東京第四天 - 新宿

7-4-2012 星期六

執完行李真係一身輕

因為我通常出門啲衫就唔會帶走嘅

即係我有一個吉喼

好開心放晒我啲心愛血拼物品

夠放，唔洗用大背包

個特大旅行袋，已經裝下易碎物品

一切準備就緒，估唔到有令人束手無策的......

先去新宿的地鐵站定JR站旁

搵NEX機劃位先

劃完位行行下，比我見到呢部機有粟米湯 (右下角)

120yen，買黎暖手都好吖~



意外呢家嘢真係講唔埋

聽日都返香港咯

用晒啲錢去囉

黎東京4日，日日夜夜去夾公仔，推車仔

今日終於成功喇

佢成棟比推跌個下真係好震撼

震撼到我地呆咗之後狂尖叫

好彩有免費膠袋提供

懷著興奮嘅心情，去一蘭食麵

大排長龍，去個洗手間先

一入去，真係比佢嚇親

16個厠紙架

我一開頭咪話有嘢令我束手無策嘅

我發現一蘭有拉麵買

咁我就要15盒啦

即係我老馮以為佢會比個箱我

結果佢每兩盒入一袋比我

我用最簡單的英語同佢溝通佢唔明

當box都唔明嘅時候，我放棄同佢溝通了

有分價錢的

有啲一盒三包拉麵

有啲一盒5包拉麵

基本上一蘭拉麵得一款你選擇

竟然得一款又何來選擇呢?

因為你可以選擇麵的軟度

湯底的濃度

要唔要蔥，要青定要白，定兩樣都要?

要唔要叉燒?

要唔要蛋?要另外比錢的

叉燒雖然薄薄一片，但味濃，好食

湯都飲埋

等佢地攞返比我地個七袋拉麵嘅時候

我偷影一張相

竹簾後是這樣的

原來只有一邊有廚房

當我倆攞住七袋拉麵出門口時

排隊的客人無不嘩然

其中一個說普通話的男士 :

甚麼了?在那裡可以買的?

其實我想答佢的

但我比所有人行緊注目禮

我只好低頭而行

初時我都覺得唔答佢好似好無禮貌

話晒大家中國人嘛

但諗深一層

佢究竟知唔知自己係邊到食嘢呢?

香港的親朋好友，你們終於有手信喇

哈哈哈~~~

開心完，返到酒店開始煩惱了!