早上咕哩

2-7-10 星期五 是日休息

通常唔洗返工嘅日子，我都好自由自在係屋企安排啲嘢比自己玩

但今日，我要去做咕哩

因為，親戚要走了，返去新加坡喇

十點起身之後，惡夢開始了

先行去沙漠咁遠嘅凍肉店攞螺頭...

再行返去我屋企，搵冰袋裝住啲凍肉

諗諗下，我一個人點攞呀?

靈機一觸，攞個背囊咩住佢咪得囉

之後，去茶餐廳攞燒味

你講得出嘅燒味，每樣一隻加半隻

當我睇到個一箱又一大袋燒味時

嚇到我呆咗一秒，都要攞架
慶幸，一落街就有的士
直返娘家，叫人落樓接我

個箱嘢真係唔好講笑，我都攞到手軟

以前未有買餸車時，托兩包8公斤米係等閒事

而家???手都軟埋

返到娘家第一件事，飲咖啡

再幫媽咪炒菜，半個鐘唔洗，12碟菜上晒枱

係無錯，係即席煮咗10個餸，仲有燒味兩款，一煲湯

以為惡夢完結?呢到只不過係上半場咋~~~