台北之旅第二天@九份-掂爹

23-4-10 星期五

掂爹係福建話，意思係飲茶

福建就係台灣隔離

我地鄉下係福建嘅金門

有好多人同我講，金門都唔屬於福建，係屬於台灣的

睇返地圖，板圖係福建的，最近台灣的一個市

行咗好耐，去掂爹

入去要除鞋，換拖鞋

bar枱下面係鞋櫃，好似好唔衛生

列茶陣，一人一壺茶

店外風景

呢個係山壁上雕刻

飲完茶，再行

曾經諗過買張明信片，寄返香港比自己
但搵唔到明信片呀~~~

再去李儀餅店買太陽餅
只可以買太陽餅，因為最好食
我地買手信好麻煩的，一間店鋪，只買佢好食的產品
我地覺得，送嘢比人，係要有誠意的
太陽餅處處都有，要好食的，只得呢間

又買咗少少其他，我地試過好食的話
下次再黎時，我地就可以買比人做手信喇
見到有試食嘛﹖點解唔係到試呢﹖
因為係到試食的是熱辣辣，新鮮出爐的
一定好食架，但買返香港試就唔同喇
經過一輪又掟又壓，完好無缺，入口仲好食的話，就可以了

正在制造芋頭酥

原本天氣好的話，可以去十份
可惜，仲落梗雨
九份都毛毛雨，十份一定大雨
當地人說的

好啦，上返車，去基隆啦

台北之旅第二天@九份

23-4-10 星期五

由酒店11:30出發，搭咗成個鐘頭車

終於到咗九份喇，好彩我地包咗車

如果唔係搭的士去九份都好貴好貴

九份，即係台北嘅郊區

玩就唔知有咩玩，不過見到好多民宿

落雨，令我忟憎

所以，我要血拼

我連食都唔想食呀

呢到比我嘅感覺好似赤柱市集

真的，真的好似

魚丸伯仔

見到一粒粒圓圓又彈彈嘅魚蛋

就入去食囉

最好食唔係魚蛋，雖然魚蛋係彈牙

最好食係魚蛋墊底的冬粉，冬粉即係粉絲

我地唔識欣賞

黑橋牌

係上年，有一個美酒佳餚巡禮
有一個檔位係買黑橋牌香腸
餅餅好鍾意食
但搵極都搵唔到

黎到總店，都搵唔到

花生捲雪糕

我無食

真係唔想食，一隻手揸相機，一隻手揸傘，膊頭有手袋，另一膊頭有超大環保袋
邊有手攞住黎食啫

無買到

當有人好大聲同我講 : 有little twin stars時，我即刻話買吖

得返一個?有無咁搶手呀，好心整多啲啦
整咁多hello kitty都無人買

毛筆

我好後悔無買到囉

呢個係篩，好大個的，衡量過，肯定攞唔到，賴仔主動同我影張相留念
當已經擁有了

心愛嘅囍字，唔只有篩
仲有陶瓷吸水杯墊，滴咗啲水係杯墊到，佢會吸水的

黃媽媽天然蒟蒻

幾好味，每次食蒟蒻
我就會諗起以前心型大大粒的蒟蒻，真係超好味呀

呢間買得意嘢
即係衛生巾包裝，入面係棉花糖
避孕套包裝，入面係糖

花花碌碌好靚

仲有多啲相係facebook架

台北之旅第二天@國聯早餐

23-4-10 星期五

7:30起咗身，等埋爹地媽咪就落去coffee shop食早餐喇

妹妹同賴仔就唔洗預佢早起喇

國聯酒店嘅早餐唔差架

食飽飽之後，上房執好架生

準備出發去九份

今日天公不造美，下雨了

有人說 : 終於下雨喇

乜好耐未落過雨咩?

咁我地咪係貴人???哈哈哈