做人新抱甚艱難之二

星期六出咗一篇網誌"做人新抱甚艱難",是日晚上瞓覺,餅餅個細妹打電話黎,話奶奶喊咗好耐,奶奶同細妹講我態度唔好,收線後,餅餅又話我,個一刻,餅餅即刻擰轉背瞓,其實有無人可以係我嘅角度睇返成件事?

昨日星期日,起身後餅餅都無對我黑面,我地仲一齊睇林海峰dvd,一直睇到兩點半,再睇家駒隻dvd,睇到三點半, 就出門口,出到門口等電梯,餅餅第一句就同我講,返到去.態度要好啲呀!天呀!救命呀!!!我返到去唔出聲得未呀?餅餅就話,我亞媽問你嘢你要答呀,你要 應佢,唔好黑面呀!!!好好好,心諗:無人撩起我把火,我唔會無端端點火頭架。

出去荃灣買香燭,順便去翠華食下午茶,因為我地未食飯架,食完,買完,再去斬料,搭巴士返青衣。

去到長發村,我地要去新星酒樓訂英雄宴,都算ok,價錢又唔貴$1680一圍