升級

一直想升級

但升了之後後果會係點呢?

成班blog友你一言，我一語

到今日為止

仍然有人講梗

升咗級之後好難用

對我，不算難

只是有點煩

位置全變

好似返學咁，同學仔調晒位

板面顏色無得變

感覺好空

至於，一直令人最煩的blog友問題

原來影響唔到我

因為我一直都係儲存於"我的最愛"

即係firefox的"書籤"

我開咗一欄"BLOG"

我巡blog時，就係click呢度開喇

所以，blog友聯絡唔大問題

但blog入面的關注blog友

真係攞你命三千

完全唔知邊個打邊個

即係咁，一個藍色正方型入面有個感嘆號

即係邊個呢?

Y blog係咪潤我呢?

係咪用個感嘆號潤我?

我有嘅係耐性

我遂個入去確認

一不做，二不休

改埋名

由從前的"張雪球"

改名"林林"

張相，跟facebook我兒時相片

再改埋URL

http://blog.yahoo.com/jessicalim

Barista Jam

係上環區工作已超過4年

蘇杭街亦是我經常經過的地方

係一個好顯眼嘅位置

每當我經過，我都可以視之不見

直到某一天

一位食友告知

再同佢行一轉 (奈何已關門了)

噫!!!我每星期都會經過一次呢

要好好記著，此店收6時

早上，細雨帶風濕透的街道

喝了一杯espresso

醉了，是因為心醉了

厚，好厚身

厚身之餘重點係醇

那咖啡的香味久久不散

至此，每天一杯

也不為過吧!!!

豆角環

碟餸耐到我都唔記得幾時整

不過，見佢仲係相簿入面

即管出埋佢啦

材料 : 豆角十數條，鯪魚滑

做法 :

1) 先將豆角汆水，即刻過冷河

2) 豆角繞成環狀，搽少許生粉

3) 鯪魚滑整一個小球型，放上環上

5) 煎香豆角環及鯪魚

6) 淋上蠔油芡汁，即成。

品香樓

一行5人黎到品香樓
嘈爆登場
講梗嘅係隔離枱呀

地址

餐前小食

食飯前，先黎半打

風沙雞
炸蒜味濃，惹味度爆燈
就係因為太惹味
連緊餘的一點雞味都奪去了
可惜!可惜!

西蘭花炒花枝片帶子
材料新鮮就好食了

菜心炒牛肉
噢!!!牛肉的鬆肉粉重手了

干煸四季豆
越唔健康的食物越好食呢個道理
真係3歲小朋友都識呀
干煸-固明思意係用油炸
炸至半熟撈出再炒
你要同自己講:我食緊菜架，好健康呀!!!
不知不覺間，已經不再是一條接一條了
而是一札一札放進口裡了。

糖醋魚
酸甜度剛好
魚身亦滑溜
最重要一點
少骨，哈哈哈
如果想食魚
可以講一聲少骨吖唔該
應該會幾型

白菜魚雲湯
成件事係好鮮甜
或者廚師覺得此湯鮮甜無比
可以唔需要落鹽

肉鬆蒸水蛋
好滑，但好鹹

百花釀豆腐
我唔想講，蝦有蝦味，豆腐有豆腐味
但佢地好似夾硬比人痴埋一齊
完全自己顧自己

炸豬手
我唔食豬手
咁我點寫呢???
我用返同枱的人嘅講法寫出來吧~
嘩!!!痴撚線，咁撚好食
之後4個人，低頭默默食
偶然會抬起頭來
喝一口啤酒

炸豬手，係此餐廳第一號招牌殺死你的菜式
而我食埋晒啲九唔搭八嘅菜
人地餐牌已經有二十大show晒出黎比你睇喇
我仲要叫埋啲冷門食物
抵我死
更加抵死係
我地食七咁食
人頭飯加半打啤酒
埋單居然$650

UCC

 一個秋意正濃的早上

 去喝杯咖啡

食個輕便沙律

再黎多個意粉

星期日的大半天

很寫意的隨時間而逝

任係舀的沙律，但只可以舀一次，
香港人的眼闊肚窄，你們可以想像到，一日浪費了多少食物?
為何一定要只可取一次呢?

UCC招牌熱咖啡
好香，好滑
滲入你的味蕾及齒縫間
慢慢將你仍處於夢中的你喚醒

和風帶子本菇意粉
聞上好香，食落無乜味

日式咖哩豬扒飯
個塊吉列豬扒，乾過我塊面吖

搬家

由YAHOO搬黎首天

不太習慣，但我會學習

我的忍耐力，已給yahoo訓練得一身銅皮鐵骨

希望這裡，不要給我添麻煩好了

搬家

各位...

我要搬家喇

係呢一個月入面

我不斷物色一個啱自己

又方便的棲息之所

尋尋覓覓，終於比我搵到了

係呢段時間

有blog的網頁

總有我留一條腳毛之處

希望你地會黎新blog探我我啦

離開，係因為心淡心痛心已死

點解要迫我行到呢一步呢

...................................................

我setup好晒，再返黎話比你地聽我的新地步吧!!!!

心淡

想不起　怎麼會病到　不分好歹
連受苦都甜美　我每日捱著　不睬不理
但卻捱不死　又去癡纏你
難道終此一生　都要這麼　不可爭一口氣

    很謙卑　只不過是我　太過愛你
　連自尊都忘記　跌到極麻木　只好相信
　又再爬得起　就會有轉機
　若我不懂憎你　如何離別你
　亦怕不會飛

    由這一分鐘　開始計起　春風秋雨間
　限我對你以半年時間　慢慢的心淡
　付清賬單　平靜的對你熱度退減
　一天一點　傷心過這一百數十晚
　大概也夠我　送我來回地獄又折返人間
　秋天分手　春天會習慣　苦衝開了便淡