Greyhound

1-10-2012 星期一

我地今日嘅目的係出尖沙咀買羽絨

因為準備去旅行著

一心諗住去食扒

當我諗緊去outback還是ruby tuesday

我腦海裡閃過greyhound

既然我諗起你

你又比我訂到位

唔食你點得呢?

有一位女的服務員幫我地點單

我好鍾意佢嘅態度

全程保持微笑

說話聲線適中

又唔會同我地點菜時，忽然之間同個同事講說話

一杯奶茶，一杯咖啡

我好鍾意呢個味道呢



炸薯條

招牌單骨雞翼

鮮蝦炒金邊粉

No.72. 泰式蒜茸虎蝦配白飯跟湯 $148

我嚴重投訴呢個蝦

上面炒金邊粉個個蝦我食到停唔到口

到餅餅食咗呢個泰式蒜茸虎蝦一口之後

佢同我講好咸

之後就見佢係咁飲水

試咗一口，咬咗3次

即刻吐返出黎

咸到好似掉咗落海

即刻叫人黎，同佢講問題所在

成碟攞走咗

跟據我地要求減鹹程度

出返黎

以為有新景象

錯~~~一樣咁鹹~~~我再一次掉咗落海

可能廚師太有風格

既然係咁

唔食蝦，只食飯囉

反正都無聽我意見

湯好喝，好像是咸酸菜瘦肉湯

經理見到我呢碟飯食剩啲蝦

佢即刻話: 我送個甜品比你地吖

只揀了一個心太軟

人家送的，也不能貪心吧!

龍皇

9-12-2012 星期日

係mikiki商場入面

搵食其實好容易

忽然之間

一個掛住鳳爪，一個掛住蝦餃

飲茶去了

一去到門口，已經有坐位了

菊普，十多年也沒有飲過菊普

十幾年前好興的

忽然之間，消失得無影無蹤

其實就是菊花+普洱

1:1 吧，濃淡平衡得好好

一陣菊花芳香在口中俳佪

香煎蘿蔔糕

我對於蘿蔔糕有個媽媽情意結

所以...這個....

椰香臘味芋角

一口咬下，椰香先撲鼻而來

少少一件芋角，怎樣塞下那麼多材料?

唐生菜

馬拉糕

夠鬆，夠軟，夠彈

鳳爪

沒有一般酒樓的死加豆豉，蒜頭而佢又夠味.一絕

鮑片燒賣

叉燒腸

皮薄滑溜溜，叉燒沒有乾巴巴的

還吃到蜜味呢~~~

蝦餃

千萬唔好熱辣辣時夾蝦餃，燒賣

因為會令你對筷子，沾滿好吃的點心皮

攤一攤，才夾起

一件一口就最好了

口中盡是蝦肉豬肉甘香

很喜歡看蝦餃的摺痕

可顯出師傅的功架

牛肉球

沒有山竹墊底感覺有點失望

不過很快發現驚喜

有蘿蔔清湯

一粒粒小丁白蘿蔔

很是清甜

整體食物令我們好滿意

服務可能人太多

沒有及時照顧我嘅需要

不過，可以體諒的

是次消息總共$305

花月庭

7-10-2012 星期日

某日下午返返下工

應該係發呆中

忽然之間好想食自助餐

就叫餅餅book 星期日lunch buffet

搵黎搵去，都係帝京酒店花月庭至合我地心意

book 咗12:00 ，我地12:10 去到

已經見到入面人山人海

安排好坐位後，亦係我地出動嘅時候



我其實食咗好多嘢，但真係無mood影相

所以只影咗碗粥

滿滿的粥，滿足滿足

服務相當滿意

收碟好快

添加食物好快

食物多元化，多種類

沖茶個位姐姐都好快 (咖啡，茶任飲)

咁多年黎，呢個餐廳都無令我失望過

所以，下個月生日飯

我決定重來

意粉屋

22-9-2012 星期六

當我呢日諗住餅餅想飲茶時

佢忽然之間同我講佢想食意粉屋

個一刻，我個腦"呯"一聲

餅餅居然想食意粉屋???

細問之下，原來佢想飲龍蝦湯

好的，我都想食pizza

就去意粉屋食啦~~~

我地個酥皮龍蝦湯無影到相喇

因為我地實在太餓

同埋我呢排無寫blog

無乜意慾影相

諗諗下，我有好多餐外食都無影相呢...

Pizza 要了薄底，超級至尊



田園炸雞籃，我好掛住你呢~~~

火腿芝士煙斗粉，真的不能忘記你呀

今次我仲加芝士，等每一粒煙斗粉內裡都充滿芝士汁

當粒煙斗粉在你口中時，一咬下，濃濃的芝士汁充斥你的口腔

一粒接一粒的吃著，當對面那個人透明

芝士焗龍蝦帶子天使麵

當我一粒接一粒的吃著，當對面那個人透明時

對面那位一口接一口吃著這個芝士焗龍蝦帶子天使麵

餅餅愛天使麵，亦愛這個汁

這個組合深深得到他的歡心，對對面那個人透明


當大家回過神來，望一望，笑一笑

坐著慢慢傾下，玩下手機

飲完杯中飲品，結賬行街去~~~

聯合興

4-7-2012 (三)

我思鄉一直係嚴重

係離開香港第三天

已經思鄉

我好掛住粟米

記得上次去東京時

我掛住係點心

我今次醒咗，走之前去食點心，去金華食菠蘿包，蛋撻，常餐，飲鴛鴦

失策係無去大牌檔...

基本上，你開罐罐頭滾個粟米湯

我都已經好感動



鵝片

家人們知我思鄉

所以係馬來西亞大牌檔時叫比我食

食完之後更加掛住香港的咕嚕肉

個一刻，我覺得自己好慘

但唔好忘記，我只係離開咗香港三日(正確黎講係兩日)

我係香港，一個月都食唔到一次咕嚕肉

我個心同腦擺明玩嘢

炒白菜仔，我好很掛住你呀...

餅餅同爹地掛住小炒王

魚香茄子煲

大熱天時整過煲比你嘆

只因真係好掛全佢

涼瓜班腩

唔係我杯茶

我妹果然係一個玩家

佢唔掛住香港

只掛住新加坡的叻沙

福建炒麵佢要的

但失望....

KILLINEY

27-5-2012 (日)

我怕餅餅去到新加坡食唔慣啲嘢

所以同佢試下類似食物

因為佢地食物偏甜偏辣的

此店新加坡也有的

名氣亦很大呢

先點餐，返埋位等



煉奶熱咖啡

在新加坡，你要飲杯咖啡都好多嘢記

有煉奶，有淡奶，走奶，多奶，少奶，多甜，少甜，走甜

咩B,咩C,咩O...

我真係無咁好記性

一律sweet milk

凍咖啡

咖央多

好彩佢個咖央唔太甜之餘仲有椰香味

水煮蛋

一個碗放兩隻水煮蛋(個黃震滕滕的)

加少少杰豉油 (不過佢唔杰)

再加少少白胡椒粉

篤爛蛋黃撈勻之後

食法因人而已

我鍾意一羹一羹舀黎食

亦鍾意好似飲湯咁

咕嚕咕嚕一口氣喝光他

叻沙

唔夠辣，唔夠椰

咖哩雞

一個唔鍾意食咖哩的人話要食咖哩

我當堂呆一呆

好彩，佢接受到

香而不辣，仲要好多薯仔

勁like

食飽行去SOGO

SOGO 感謝日呀

我要去幫自己補下貨

鼎泰豐

29-2-2012 星期三

去台北旅行前

已經約定舊同事們去完旅行之後出黎食飯

我...上次去台北時

有人唔小心將成箱鴨舌留在飛機上

結果，我的朋友們全部都沒有鴨舌

這次，我親自操刀，全部托運

唔見都有得賠

哥哥話 : 去食台灣嘢

我 : 好呀，反正香港的台北食物，根本不是這樣

鼎泰豐



青瓜

蒜泥白肉

酸辣湯

普遍版小籠包

蟹粉小籠包

排骨飯

第二round~~~

鹵水牛肚

炒菜

干煸四季豆

撈麵

烤夫

煎餃子

紅油抄手

牛肉麵

迷你豆沙包

唔好問我呢餐好唔好食，因為我地掛住傾計

傾到唔捨得走

門口好多人等位，唔好再擺住張枱

落大食代食糖水再傾過~