一遊

12-3-11 星期六

忽然之間好想食烏冬

身處灣仔，我又咩選擇?

一遊

芒果汁

荔枝特飲　－　杯底有荔枝味椰果

蕃茄沙律

好凍好凍好凍

牛肉石頭鍋飯

侍應話 : 幫你撈勻佢吖

我心諗 : 我都未影相

我無食呀，我唔食得牛

海蝦天婦羅烏冬

粉槳夠薄，蝦味濃郁，彈牙十足

厚燒玉子

正～～～呢個玉子係滑蛋

我即時愛上

其實厚燒玉子有好多口味

芝士，海膽，雜菌，蝦．．．

但我選擇原味

原因，我要戒口

埋單都係＄３３１

澳門茶餐廳

10-3-11 星期四

又黎澳門茶餐廳

今次唔係去赤柱

去咗尖沙咀Le Creuset開倉

之後，就去食餅餅一直念念不忘的一個....

凍好立克 & 奶茶

生啫馬拉盞臘味四季豆煲

餅餅一直念念不忘的

就係呢個煲

我好少會煮啲咁油膩嘅餸菜

基本上炸嘅食物都少

成煲食晒之後

成個煲底都係油

好恐怖

乾炒豬扒公仔麵

又係餅餅嘅

又係勁油

又係好恐怖

焗豬扒飯

我已經要求多汁

侍應都話 : 已經多汁咗喇

我無言=.=

我的花花草草

今日唔係咁想打字

天災無情，人間有情

雖然，我唔鍾意日本

但我見到9級地震帶來嘅傷亡數字

以及股市大幅度下降數字

我無乜心情了~~~

以上的，是公司天台的花

以下的，是我家的花花草草

新年過後

花墟特別平

尤其蘭花及百合

盛開的百合固之然香

但很快凋謝

我好鍾意待開的百合

紫色鬱金香，索價雖價

但真的好靚

孔雀葉

風水擺設

薄荷葉，煮餸時用的

CUPPA CAFE

我每日朝早要飲一杯咖啡

所以我會好留意咖啡的新出品

比我遇上又好玩又得意嘅

我都唔會錯過喇

呢盒咖啡嘅賣點係...

滴濾咖啡

用法十分之簡單易明

無帶個盒返工怕唔識沖?

唔怕，每一袋獨立包裝

後面都會有圖示幫到你

我呢隻係Special Blend

打開包裝之後

先搵隻杯，企係上面

(唔係你個人呀，你包咖啡呀)

之後，包咖啡粉就要固定係隻杯上

我呢個係錯誤試範

因為我個杯口太大

攪到我有一邊過濾紙爛咗少少

其實，好似上圖咁

企係隻杯上面

之後沿虛線位摺一摺就可以固定到架喇

加水時，先慢慢淋濕周邊咖啡

再慢慢加熱水就可以喇

遂滴遂滴之後

滴咗大半杯喇

之後加奶加糖

香濃軟滑咖啡可以飲得喇

東方小祇園

5-3-11 星期六

初一食齋

如果我係九龍區

食齋我會諗起普光齋

如果我係香港區

我會諗起呢一間

茶都未開

就落咗芋頭魚先

你唔好睇佢大大條呀

我地兩個人

都可以食晒呀

甜豆炒花枝片

當然唔係真嘅花枝片啦

但好奇怪，我食到有帶子味

好正~~~

呢碟係炒都

我諗佢啲肉片扮梗午餐肉

好可惜，我咬咗一口

我好似成個人去咗海灘暢泳

咁我唯人只係食菇菇同麵啦