7-6-10 星期一，係爹地生日
至從媽咪去過御膳食飯之後
就一直都好想再去食，所以每次問媽咪去邊到食生日飯
媽咪總會答:御膳啦，一係答唔知呀
我唔係唔鍾意去，但嗰日都有個blog友仔去嗰度食飯，又
我18號都會去食，有可能19，20是但一日都去食
嘩!!!我會好悶囉
所以，我堅持唔去御膳
最後一日，決定去大榮華
其間諗咗好多間架，不過媽咪都話唔鍾意
襯佢最忙嘅時候，問佢去大榮華食飯好唔好
好呀~~~yeah!!!成功
*************************************************************
去到問知客姐姐 : 林小姐6位到咗未?
知客姐姐 : 未到 (我亦見無刪我個名同電話)
咁有另一位知客姐姐，帶我同餅餅入去坐一張8人枱
順便叫埋茶，就打電話比妹妹
妹妹一聽我把聲，就話直入，一直行到最入
咁我就周圍望，見到爹地媽咪妹妹賴仔坐咗係斜對面張枱
我望住佢地，佢地又望住我
我同經理講 : 我屋企人到咗喇，唔知點解出面位小姐話我屋企人未到
一分鐘都無，出面嗰位知客姐姐打比我
問我係咪坐咗係35號枱，我話 : 轉咗啦，我屋企人到咗你又話未到
知客姐姐仲要死撐 : 因為有兩位姓林嘅訂枱，可能我地攪亂咗
發神經，兩位姓林嘅，一位係林小姐，另一位係林先生
況且，林小姐同林先生電話號碼都唔一樣啫
**************************************************************
大榮華無餐牌提供，有幾張A4size嘅影印紙比你點菜
其中有個好抵食嘅套餐
10個餸五百幾蚊，不過套餐嘅菜式無set定嘅
總之就自由配搭，係張A4紙搵得到就得喇
唔經唔覺，點咗16個餸
媽咪話，張枱唔夠位放呀，減6個先啦
乳豬拼海蜇
乳豬有少少肥好香，海蜇彈下彈下好爽口
圍頭五味雞
究竟邊五味呢?我好似食梗豉油雞咁囉
雞夠鮮嫩，雞胸唔嚡口
咸檸蒸烏頭
我無食，好大條烏頭呀，隻碟都唔夠放晒成氣魚魚
菠蘿生炒骨
甜酸汁對味，排骨細細件容易入口
盆菜豬肉
呢個好好食，好耐未食過咁靚嘅五花腩啦
下面墊底係芋頭，芋頭索晒啲汁，好味道不得了
頭抽波米鴨
我無食，不過半隻鴨都咁大隻架喇
乾隆一品豆腐煲
呢個唔好食，豆腐唔滑，味道亦怪怪的
鮑汁魚唇玉掌煲
魚唇好多細細的軟骨，冬菇入味唔過鹹
我無食鴨掌呀
頭抽蒜片煎生蝦
呢個好好食，連個殼都可以食，不過先要咬走蝦頭先
佢無剪蝦的武器(蝦頭上的鋸齒狀尖尖)
蟹肉燴冬茸羹
唔錯嘅~~~
豬油撈飯
一缽飯
自己加豬油加頭抽
豬油好稀，頭抽帶微酸
即係唔好食
馬拉糕
全晚最好食嘅係呢個馬拉糕
鬆，軟，好好味
送紅豆沙
帶少少橙色的紅豆沙
送麥米粥
唔好食
agnes b 買的 birthday cake
我屋企人好奇怪
雖然個個都食朱古力，但唔食太濃太甜嘅朱古力
都唔知第幾次喇，都係要買朱古力蛋糕
所以爸爸節唔再買agnes b住
買.............囉
埋單 $ 800，呢到只收現金不收咭
套餐五百幾，點解埋單八百呢
因為仲有酒水，飯，馬拉糕不包括太餐內
仲有，食到最後，想搵條菜食都無
因為所有菜類比賴仔刪走晒
嗰6個都係菜菜菜菜菜菜囉
