miu miu 電紫色手袋

上個星期四回娘家食飯有禮物收

多謝晒啦

California Pizza Kitchen

要陪餅餅去九龍灣攞証件

6:30已經到咗九龍灣

係九龍灣工業區入面兜兜轉轉咁

終於搵到棟大廈

去到至知道原來人地收八點

早知唔洗行得咁急啦

行返去Mega Box搵嘢食喇

兩個人超肚餓

睇中咗C.P.K.，就你啦

二人晚餐超抵食啦

兩杯凍檸檬茶，不斷為你加滿，不過越加越淡

經典凱撒沙律
唔洗諗啦，我至愛，餅餅都鍾意食架，尢其係一片片啲芝士，佢一個人清晒，見佢咁鍾意食呢隻芝士，就記住個名，睇下邊到有得賣就買比佢食啦，點知返到屋企已經唔記得咗。

香味肉醬意大利粉，意粉比較硬身，軟返少少會梗加好啲，個醬汁比較香濃帶酸，我唔食碎肉都因為個醬汁而食，我地兩個芝士怪仲要加勁多芝士

意粉上枱時，跟埋調味料一齊上

意大利風乾辣肉腸薄餅，簡簡單單一個薄餅，只有芝士及辣肉腸，都可以食到兩個人唔停口係咁掃清，你話呢個薄餅幾得

埋單$206.8，真係好抵呀~~~
同場雖然無靚海景，不過有溜冰睇
影相時，佢地執靚個場地
預備等陣有比賽

I'm not plastic bag

星期五晚 10-7-09

食完麻辣米線，又食完糖水之後

個心情都未算平伏得晒

因為得返我同亞爸兩個人的時候

我問亞爸 : 你身體無咩事嘛

亞爸話 : 有呀 (我個心情又跌返落谷底)

個頭又痛又暈又成日個心痛，有啲中風嘅徵兆

我唔識點回應佢，我只有默不作聲

個刻我好想喊

雖然亞爸只係我前同事，而家嘅朋友

但個種感覺係一個識咗好耐好耐嘅人

突然之間，有病又唔可以去睇醫生

(因為加咗保，所以要過咗過度期先)

我唔想我身邊的親朋戚友離開我

我知道人係唔可以避開生離死別

但...我可以做咩呢?

返到屋企見到餅餅

個心安樂咗啲，定咗啲

係呀，有一個伴侶係身邊陪伴自己嘛
餅餅仲好細心幫我錄影電視節目
一直睇錄影帶，暫時拋開一切唔開心
到十二點幾，我就上床瞓覺
但餅餅仍然睇佢嘅電視
一掀開張被，就見到以下物品

即刻大嗌呀
個袋我恨咗好耐
曾經一時有錢都買唔到呀
即刻幫佢影相啦
不過餅餅話我知
呢個係日本版
日本版係綠色字架
不過算啦，我又無咩特別要求要香港版
香港版$120，而家炒到過千
日本版$72，而家炒到$400

那一晚，我真的好開心

帶著大大的微笑睡覺

白果胡椒豬肚湯

材料 : 豬肚一個 ; 排骨半斤 ; 白果 ; 腐竹一包，白胡椒

做法 :

1) 白果去殼後，用熱水浸一浸就可以好快去依

2) 腐竹洗後浸軟，切段後，飛水

3) 豬肚內用粗鹽洗刷，放滾水出水，再撈起洗乾淨後切大舊

4) 排骨出水

5) 將豬肚、排骨放入大鍋凍水，開大火齊煲

6) 半小時後收中細火，下白果，腐竹，煲兩小時後

7) 下白胡椒粉 ，(自己試味，我下了2-3湯匙)再煲半小時，熄火，即成。

愛心糖水

係好耐好耐之前(其實只有個多月前)

"我們這一家" 食完傷心酸辣粉之後

就去咗附近食糖水

而呢5個人，不約而同地叫了

"腐竹薏米糖水"

亞爸 : 邊到有靚腐竹買?

亞女 : 你去邊到邊到買吖，煲出黎溶晒好正架
亞妹 : 你地個個都識煲嘅?
亞哥 : 好簡單之嘛
亞女 : 水加冰糖再加腐竹咪得囉

亞妹 : 哦!!!

亞女 : 亞爸，你幾時煲比我飲呀?
亞爸 : 買到之後得閒我至煲啦
亞女 : 你話煲羅宋湯比我飲都好耐喇
亞爸 : 自從太興出咗羅宋湯之後，唔洗自己煲喇，又好味，又足料
亞女 : 成日都呃我 (發脾氣中)

......................................................................

係尋晚做緊烈火雄心3嘅時候

亞爸打電話比亞女

亞爸 : 你係唔係屋企呀?

亞女 : 係呀

亞爸 : 咁你等陣落一落樓吖，我煲咗腐竹糖水呀

亞女 : 真架?

亞爸 : 係呀，我攪掂打比你吖

亞女 : 好呀

收線之後，我個心好甜，未食都好甜

一直笑咪咪，真係好開心呀

數十分鐘後，亞爸打電話黎
亞爸 : 你而家落黎吖
亞女 : 好呀
落到樓下，已經見到亞爸
仲要行咁遠攞比我，真係感動

雖然同一個屋苑，但由佢個座行去我個座都好遠架

多謝亞爸 louie

賤物鬥窮人

去完廣華睇完醫生，時間尚早

返屋企放低啲雜物

1:00正準時向太古城中心出發

一去到太古城中心

我手上已經有一大袋戰利品喇

再行又一大袋，又再行又一大袋

如是者行呀行，買呀買，買到差不多無晒cash

就去食飯，黎到太古城

緊係要試下新開嘅"囍宴東‧丰"

見到門口掛住個牌寫住"準備中"
但門口完全無寫營業時間
咁樣貼得出黎，即係落場啦
啲侍應見到我地係門口
都唔出黎話比我地知開幾點
仲要閃閃縮縮咁避開我地視線
算啦，我地又行返去太古城中心繼續shopping
啲嘢真係好平，平到可以唔經唔覺用咗幾千蚊
我地手上一個二個三個四個五個六個.........紙袋
係太古城特別多嘢啱我地買呀
還是我地太失望呢?
我地有諗過，即刻去圓方嘅"囍宴滋‧選"
但我地實在太肚餓，所以求其食啲嘢就算喇
居然有Mos Burger，緊係食呢個啦

快啲返屋企放低啲嘢要去做gym喇
P.S: 我想講下SANRIO啲姐姐們
話說，我地攞住好多嘢入咗去 APITA 嘅 SANRIO
比我見到有我心愛嘅LTS 碗買 (一盒4隻碗)
但係太重，我唔想攞住行街
就問佢可唔可以幫我check XXX有無得賣呀 ?
係佢問緊嘅同時，我又插咀問有無 碗、筷、匙套裝呀?
佢又幫我不厭其煩咁幫我問XXX分店
佢個種出自真心幫客個種態度另我很窩心
佢無介意呢間店鋪，因為少咗我一個人的營業額
而要勞煩佢幫我問第二間零售店而黑面
其實我預咗佢會黑面 (因為我真係好煩)
但佢無黑面呀，佢仲笑容滿面同我傾計呀
所以值得一讚。

shut in the lift

今日老闆唔返工去咗打波

咁我就早些少返公司啦

我公司係舊式大廈

沒有完善的設備
亦沒有管理人員(即係看更)

我今天很不幸地困lift

架lift上到2樓，無端端停咗係到

燈亦熄了，但忽然之間著返一盞燈

那時候的我，一點恐懼都無

那我就長按alarm

同時，我亦打電話給我的同事求救

點知我同事係灣仔，仲未到公司

咁我就不停地想 : 如果我打nds，那我沒有手按alarm?

如果我聽歌，咁我未聽唔到有人黎救我?

我係架lift好似焗桑拿咁

不斷標汗，呼吸又困難

我要盡量留著空氣

所以吸氣也少少咁吸
終於有好心人大嗌 : 係咪有人困lift呀
我就好大聲咁嗌 : 係呀，救命呀
好心人無理我喎

咁我咪繼續嗌囉

嗌破喉嚨都無人應回我

那我又繼續長按alarm啦

又有好心人二號黎打救我喇

好心人二號 : 你大力啲推開lift門，就可以出黎喇

我就兩隻手按著一邊門

大力一推，門就自動開了

好彩門開了，剛好停在二樓

無驚無險