星‧馬血拼

呢個星‧馬之旅

比我最大印象係執行李

短短6日6夜嘅旅程

總共轉咗3間酒店

尤其新加坡什麼名勝

我都無機會去

出發前已經預咗

所以...我唯有購物發洩

但新加坡所有物品都價過香港

有啲...真的買唔落手

我買啲香港無得買的

我出門，點可以空手而回架?

有芥未味，蒜蓉味，黑胡椒味，香辣味

食完之後都係原味最好味

因為以上的味道蓋過晒蝦氣味



呢個係因為個盒係 - 紫色

味道，我食咗一塊後無食喇

一直對Lay's無乜好感

新加坡獨有的4色益力多

個邊叫益多

紫色 - 提子味

青色 - 青蘋果味

橙色 - 橙味

紅色 - 原味

我一個人買咗10排返香港

係到期前8月11日飲晒

新加坡的叻沙好出名

所以，妹妹每樣叻沙都買

經我地研究所得，呢隻橙色盒最好味

不過我係香港的city super見過

掛住都唔怕，可以買到

我發現新加坡都有好多獨有食品

例如合味道...

她有我地香港有的味道

亦有香港無的味道

紫色 - 冬蔭功

橙色 - 叻沙

紅色 - 辣椒蟹

黑色 - 黑胡椒蟹

說真的，我每一種味道都已經從架上取空

推住架車時，有啲唔好意思

之後，我每個味道放回兩個在架上

安心一啲

我曾經有問過售貨員

可唔可以係貨倉每款味道取兩箱給我

她說 : 已經沒有貨了~~~

我特別鍾愛圓筒型嘅朱古力

以上只係我係新加坡的超級市場買的物品

仲有啲無特別的唔講了

之後就係胡振隆的 :

餅餅好鍾意食馬拉贊

見有馬拉贊，買返黎炒菜

白咖啡好香，但唔滑，但都可以止下癮

奶茶送咗比人了，所以唔知好唔好飲

到今日為止，我都未開黎試

呢個係麻油，我買的時候佢入梗樽

麻油香味香到我一索再索

仲有牛肉乾，豬肉乾

最特別的龍蝦肉乾

每包SGD10

港幣大概$61

一包入面有4塊

地址

係機場的 BENGAWAN SOLO買的咖啡味曲奇餅

榴槤餅，到今日都未開黎食

我終於係新加坡機場免稅店搵到佢

有個的士司機同我地講 :

新加坡機場免稅店的香水係最平的

但我發現，某幾個牌子仲貴過香港

但呢個牌子香港無

所以幾貴都買~

餅餅鍾意芒果，所以我見到任何芒果味的產品，我都會買比佢

呢個係馬來西亞的商場

Harrods 買的

Earl Grey啱我

仲有仲有，你地見到以上照片個張墊底的紫色墊

2.5RMB咋，但我只買一張

因為佢得一張

無啦，就係買得咁多嘢

呢個trip無嘢玩

只買同食

用咗$8,000HKD

妹妹生日之澳門之旅

7-8-10 星期六

妹妹生日行程之旅開始

無理由唔黎

人山人海

去埋地下室

呢啲創作我最鍾意

問準可唔可以影相先

店內環境 - 杯

店內環境 - 郵筒

店內環境 - 一系列藝術家創作

地層有間 - 貓空間

好靚 每本$100，唔買就笨喇

本簿的介紹

入錯咗人家介紹的餐廳

求其叫啲嘢食啦
糭，啡色醬汁係甜醬，食到叫救命
一啖起兩啖止

呢啲小食我地都叫，慘慘

枱枱都食豬手
我唔食

呢間至啱呀)))

豆腐花落花奶
食咗一半頂唔順
豆腐花好滑不過無豆味又唔甜
質地好似百福

魚球麵 - 我無食

豆腐麵 - 我無食，不過媽咪話豆腐好滑

豬皮麵 - 我無食

炸魚片
油浸出黎熱滕滕，好鹹

行前十幾間店鋪就到
人頭湧湧

兩個人share一杯 - 好味

再行前少少就到買花生店

原本搭的士去禮記，但係成街都無的士
行下行下，知道附近係最香，又搵呢間店
終於搵到喇
行到好攰，謝晒
買完仲攰，十幾盒杏仁餅走唔甩

各就各位 - 好忙

片得薄一薄

阿哥就整杏仁餅，仲定鏡比我影
差不多完成

杏仁餅，烤埋就賣得喇

終於搵到兩部的士去人人都介紹嘅禮記食雪糕

好多雪糕種類
媽咪要食紅豆雪糕
店員話:無
咁有咩係紅豆?
店員話 : 雪糕
咁要紅豆雪糕啦
店員話:無紅豆雪糕呀(開始藐咀喇)
(頂佢個肺吖!@#$%^&*())
咁要枝紅豆雪條吖

唉!!!原來澳門人食雪糕鍾意唔甜架
啲味道好假呀

 

我真係以為會好好食架

一杯凍啡，一杯凍檸檬茶
唔知點解會係暖嘅，叫佢加啲冰
店員話 : 加咗囉
唔凍呀
店員話 : 我地加碎冰
???
不過最後都有加比我地，加咗好少少

之後落氹仔，去威尼斯人酒店賭場
賭到不知時日，嬴錢就走
再去鉅記又買手信，即刻搭車出碼頭
成個行程，我無乜食過嘢呀)))

行程完結，攰到返屋企攤係地下