星‧馬之旅第三天

30-6-2012 (六)

因為我地下午要飛去馬來西亞

所以將啲不必要嘅行李放係親戚家中

放好行李，我地就行去食叻沙

點解要放係親戚屋企?

因為我地會返黎新加坡

呢間叻沙店好出名

叻沙好啱我口味

otak 是一種用蕉葉包住魚肉，魚肉加了椰汁，香料...

放上燒爐上面，燒熟

一邊燒，一邊散發香味

令你中晒毒，去買佢黎食

哈哈哈

好味，不過我還是喜歡爹地媽咪做的otak

叻沙好味道我想再來一碗

但無冷氣，又無天然風之下

我想快啲走多過想食多一碗

食飽行返去親戚屋企攞行李

之後就去機場

唔洗15分鐘就到機場

唔洗一個鐘到馬來西亞

飛機全程低飛，都應該未飛上雲層

馬來西亞比較危險

親戚們係新加坡時幫我們安排了車

機場出黎直去喜來登酒店

間房好大，可以打開5個大喼都得

書枱無i pod插座

我好欣賞呢一個位置

由門口入黎就會經過呢到

一邊係浴室，一邊係大衣櫃

中間比你坐

而家啲酒店唔比人吸煙，如要吸煙請去浴室

我每日都攞走佢比嘅綁頭髮的橡筋

攞埋爹地媽咪，妹妹間房嘅橡筋

爹地媽咪間房可以望到雙子塔

酒店門口有的士，每位客人上的士時需要登記

由機場出黎接我地個司機

已經語重心長同我地講 :

出街小心啲，留意自己財物，唔好帶証件出街，有人查你証件

你真係要確認佢係唔係執法人員

我聽完就算，不過都入晒腦

因為佢好似部錄音機

不斷重複佢講嘅嘢

直到收到呢個由香港數碼通比我嘅message

我先開始識得驚

因為我出門多次，去過唔同地方

都未試過數碼通會send啲咁嘅嘢比我

阿羅街，類似香港大牌檔

揀咗呢間 - 西湖

粉棵條，其實係炒河粉，如果唔係要留肚，一定encore

好滑，唔油，芽菜條條肥大粗壯

因為芽菜不是炒得好熟

所以還食到佢嘅清甜味

呢個豬肉湯粉絲,又係好味到停唔到口

肉骨茶 - 我始終唔鍾意佢有中藥味

串燒，無咩特別

炒雜菜

不論係馬來西亞，還是新加坡，都喜歡用秋葵入饌

因為我思鄉，所以叫咗一碟咕嚕肉

唔太差的，不過都係香港好食啲，因為佢偏甜

呢個炸芥蘭，一致讚好，尤其我的餅餅

我有諗過煮比佢食

但一諗到係炸嘅過程可能會另我抺足半日廚房

我就打消呢個諗頭了

煎魔鬼魚

係新加坡時，親戚們叫我地一定一定要食

因我唔食魚，我唔可以講啲咩

不過經佢地不斷在魚身動筷

應該好好味的

炒蘿蔔糕

喜見又有肥嘟嘟芽菜

留肚係因為要去黃亞華

先來椰青

沒影相，因為媽咪黑面發脾氣

快啲食完就走喇

係阿羅街載的士，剛好是車我們來阿羅街的的士司機，放心!

飲飽食醉，去睡了!

星‧馬之旅第二天

29-6-2012 (五)

沖埋涼，執下嘢都3點幾喇

快啲上床瞓

我唔想因為唔夠瞓而發脾氣

一早起身，陽光譜照

梳洗完畢，睇下出面風景

棲下有泳池，可以落去游下水



網球場是人家私人屋苑

我望見出面的陽光，感覺有少許害怕

狂搽防曬，好彩係香港卓悅時買咗呢隻防曬

仲有SOFINA  SPF50  PA+++ ，幫我抵擋猛烈陽光

親戚阿姨黎到酒店搵我地

我地就出發搵嘢食喇

先去酒店附近的亞坤

由我地酒店出發，向後行，穿過一個商場再落地鐵站，再行上地面

行多1分鐘，就到呢個商場，最下層就有亞坤了

我至愛的煉奶咖啡

佢地有分咩C 咩B 咩O架

即係代表煉奶，淡奶......

詳情我唔記得，不過我見過旅遊書介紹過

我好鍾意食蛋，呢份早餐啱晒我

加幾滴杰豉油，加少許胡椒粉

攪勻佢，有人就一飲而盡，有人搽上多士面，有人一匙一匙進食

搭下地鐵MRT，去烏節路

說真的，我無乜機會搭地鐵，因為我地出入都係的士

呢次經驗好難得的

呢部機集儲值，買票，退票於一身

記得出閘前退票呀，會比返1蚊新幣你架

烏節路站一出就是ION商場

直望見到佢，佢係賣人字拖

我同妹妹已經衝咗入去

之後不斷穿梭各店鋪，我沒閒亦沒心情影相了

行到餓，落去大食代食下嘢

亦可以安頓好爸爸媽媽親戚阿姨

血拼繼續，說真的，大部份店在香港也有

例如 : ZARA , Accessorize , forever 21 , 12蚊店....等等

呢碟燒雞翼幾好食

呢個唔知咩名堂，唔好食的

佢地食緊嘢，我同妹妹上去吸下空氣

順便影下相

咁就當行咗烏節路喇

之後，我地一行人分兩部的士去親戚阿姨屋企

呢到有一檔榴槤，每日下午3:00，就會有架大貨車運送各款榴槤來

呢到只係一邊嘅榴槤，仲有另一邊，因為堆滿咗人，所以無影喇

榴槤至到8月頭就開始水尾喇

親戚叔叔已經買咗幾個榴槤係佢屋企等候我們

4:00到榴槤店，行下附近大型超級市場

5:00上到去親戚屋企，食下傾下6:30出門口

7:00前到咗seafood centre

椰子樹

食店對出海景

對住呢個海食飯

入去呢到食飯，一直坐呀坐

原來要等人

一等，等咗個幾鐘

由天光等到天黑

如果，呢個幾兩個鐘比我地出去行下

可以行多好多地方

我真係好唔明，點解要係呢到坐係到等

如果，我地時間充裕，黎十幾廿日的話

你叫我陪你一日都得

而家直頭浪費我啲時間

當第一碟餸上枱時已經8:30了

呢碟唔知咩名堂

麥片蝦，雖則未去到連蝦殼都可以吞落肚

但蝦肉結實而彈牙

麥片咸香有序

呢碟係蘇東仔，即係魷魚仔，炸到脆卜卜，加上惹味醬汁炒勻

呢個好似叫bb芥蘭

唔好意思，因為天黑緣故，被迫開閃光燈，結果。。。影到咁樣

蒜蓉炒西蘭花

最後叫多兩款蟹，胡椒蟹 & 辣椒蟹

胡椒蟹用大量白胡椒去炒

辣到成枱人不斷冒汗

好彩今晚有海風，涼風一陣一陣吹過來，涼快

蟹鉗好大隻

蟹腳好多肉

最最後有清蒸蟶子

呢餐多謝親戚一家喇

返酒店執行李，準備明確飛馬來西亞

新‧馬之旅第一天

不經不覺，我遺棄咗我個blog兩個多月

原來，我由新加坡返到香港之後

病咗一個月

29-6-2012 (五) 新加坡的第一天

今次搭夜機去

諗住放咗工就飛，實情只返上午

搭夜機嘅原因係因為我地買唔到其他時間飛機票



係起飛途中，個個放行李的位置，忽然之間打開了

好彩，行李沒掉出來~

唔好食的飛機餐

當我到達新加坡，差不多12:00了

過關算是順利，還好只是問一些簡單問題就走得

阿姨一家堅持絕不妥協一定要來接機

送到我們到OASIA HOTEL

因OASIA HOTEL 比較新，因而有少部份的士司機唔知係邊

但只要同佢地講對面係NOVENA MEDICAL CENTER

佢地就知係邊喇~

酒店真的好新，新到有少少新傢俬味

THANN 的洗頭水，護髮素，沐浴露好好用

連我自備的都可以唔洗用

呢張係第二日影的

因為我比人捉咗出去喇

比人捉咗去呢到

當時已經零晨2:00

我已經眼瞓到痴咗線

一個人係極到疲倦，又熱，又悶，又嘈嘅情況之下

我嘅忍耐力已經到了極限

好明顯，我發晒脾氣，黑晒面

當我黑晒面，已經無人敢同我講嘢

唯一一個唔知掟嘅人

不斷問我你想食乜，你想飲乜

結果......

我諗成個場，最下火，最清熱的是蔗汁了

你們知嗎，呢到係一個圓形

我地係圓形嘅中心

每一檔都火紅紅的燒呀燒

我個人跟住啲火係咁燒

新鮮清涼的冰凍蔗汁一大杯

食啲菜

食條串燒

快快趣趣食完走人

仲要堅決送我地返酒店

比我一野堅決過佢100倍拒絕咗

第一日已經係咁

你地又估第二日會點

可以預告 : 我啲火仲精彩過今晚