台北第二天

24-2-12 星期五

原本今日上陽明山睇櫻花

但根據當地天文台顯示

當地氣溫只有9度及有雷雨

係一個咁惡劣環境之下

我都唔會有心機影相架喇

台北依然下大雨

更改行程都好易

反正我有兩手準備

"秦家餅店"

什麼即叫即整，大排長龍...我看不到

入去就見到整好晒

放在蒸籠內



鋪內沒有雅坐，但服務員非常好人

教我們行前，去山東餃子館，叫碗酸辣湯什麼的

就可以坐下來食喇

先試蔥油餅

一大塊圓餅型，幫我們分開一小片一小片的

晤...不熱，微暖，蔥不太好，但蔥的份量算多

我倆每人一件後，已停手了

韮菜餅

買嘅時候，服務員教我們如何進食

怕有熱汁流出來弄污衣服

咬開之後，並沒有熱汁流汁，當然沒有弄污我的衣服了

韮菜味是有的，較淡，淡到...你唔覺正在食韮菜

韮菜碎還撈了粉絲碎

我倆吃了一半，食館子裡的麵好了

古色古香的紙巾盒

小菜有多款選擇

但始終只有二人，吃不下那麼多

台北第一天

23-2-12 星期四

今次去台北最主要係去飲

飲我老公個妹結婚餐囍酒

10:00飛機，我地8:00已到機場

因為我地懵查查咁唔知點解買咗團體票

無得上網CHECK-IN喇

時間過得真係快

check in 完之後就過關

去duty free買下嘢

去翠華食個早餐

都已經差不多要登機了

但我唔生性

行過一間買太陽眼鏡嘅duty free 之後

揀揀下，個sales哥哥同我講其中一排有7折

我就唔捨得走喇

但係飛機開始登機喇

我就好快揀好，碌咭

仲有揀Gucci眼鏡盒

一切妥當

跑去66號閘口

!@#$%^&*() 未開始登機???

我一口氣跑超過500米

你未開始登機????????????

一分鐘後，有人check証件

可以登機了

查實，我真係唔太喜歡hello kitty

唔知點解有咁多人羨慕我><

遲咗10分鐘起飛

我可以接受到

呢個飛機餐，豬肉飯

我真係食咗一啖

吐都吐唔切

我肚餓，但我打死都唔食

因為遇上台北大霧

我係上空盤旋

氣流勁大

係盤旋的一個鐘入面

我不斷好似坐海盜船一樣

驚險是有的

還好了~~~

足兩小時飛台北

真係第一次

落機之後打電話報平安

過關之後

老朋教我，一出閘轉去左手邊

行到最入，再轉彎(其實得一條路)

去搵台灣大哥大

買一張5天任上網的咭

服務員會幫你放入i pad

會幫你set好晒所有嘢

之後我就行返去右手邊

搭一架叫"長榮巴士"去復興南路

我好記得我搭個架巴士係1:20pm

2:00 到了復與南路sogo附近

轉的士去馥敦酒店

2:15 check in 完可以上房

即刻執嘢出黎比姑仔

成個大旅行喼都係佢啲嘢

執好，交收完之後

我倆輕輕鬆鬆出去食lunch喇

餓死我

去蛋蛋屋之前

我地去咗買一把雨傘

我買呢把雨傘真係超值

我每一天都要用到佢

因為係台北這幾天

天天天天天都下雨

我成日都覺得

係台北買雨傘應該會耐用

因為台北多颱風嘛

其實，又係同香港一樣，哈哈

蛋蛋屋

滑蛋配上吉列咖哩豬扒

很對胃

打死不離"榛子咖啡"

他，忽然愛上"卡布"

可樂餅咖哩蛋包飯

飯是用茄汁炒底的

可樂餅 - 薯蓉是也

吉列豬扒肉嫩多汁

食飽，去老天祿買10盒鴨舌

有免費送貨到酒店

你只要同佢講，你幾多號離開酒店

幾點前check out

佢就會係當天限時前送到酒店櫃台

酒店職員自動自覺幫你雪好

check out 時會取出還你

搭的士回酒店之前

先去李錦利買八仙果

再原車返酒店

沖下涼，休息一陣

出發去夜市

士林夜市

變晒~~~

呢個所謂B1美食區

真係不如算了吧

大唔算大

買的食物大部份都一樣

一檔好旺

一檔又好靜

食物炸好了

沒人幫襯了

可憐~~~

買咗啲串燒

之後上去上面地面個層買水果

搭的士返酒店慢慢食

再搭的士出去24小時誠品



肚餓

難得誠品餐廳未關門

就入去食過餐啦

(相片後補)

鮑魚拌麵

忽然間想食鮑魚

咁就演變咗魷魚拌麵喇

八珍零食

29-1-10 星期五

上年買咗好難食嘅么鳳芋蝦

今年，去八珍買芋蝦食

我唔記得$260一斤還是$280一斤

我買咗半斤，半斤大概有22-25個球啦

鮑汁夏威夷果仁

買多一包比爹地媽咪

松子仁

黑瓜子，始終都係瓜子大王好食啲，易咬開啲
不過，已經好過么鳳最貴嗰隻
我懷疑，尖沙咀嗰間么鳳係假架
我前年去銅鑼灣同埋九龍城嗰兩間都無咁差架

屋企食晒腐乳，所以買一支試下先

深圳 - 為食館

25-12-11 聖誕節

約咗妹妹上深圳整窗簾布

兩個鐘之後有得攞

我地就去行街喇

行到筋疲力盡之後

搵餐廳食嘢

有人一見到呢間杯飲品咁靚

死都要入去

點知有人個妹見到要等位

即刻扯有人走

有人唔開心

有人老公彈咗一句

噫!!!呢間可以食煙嘅?

有人個妹，扯住有人

衝入餐廳攞位兼等位



呢杯就係我係窗口見到好靚的飲品

有時啲嘢，真係只係得個樣

3個人發狂咁叫嘢食

蔥油餅

勁多香蔥，熱騰騰，軟綿綿

黑椒肥牛飯

魚香茄子炆米

炸薯條

硬到呢~~~

鳳爪排骨飯

呢個我嘅，我有食晒

上面個啲...佢地話飽...

前幾日，有人個妹話 : 家姐，不如我地聖誕節個日去完深圳之後，食聖誕大蛋糕咯

有人 : 好呀，咁你快啲訂喇

結果 ，攞完窗簾布返到香港之後

有人個妹話 : 家姐，要買蛋糕呀

有人 : !@#$%^&*()

最後係美心臨急臨忙買一個

恭喜發財

我真係覺得自己幾過份

咁耐都無update個blog

1月份過農曆年

真係攞咗我條老命咁滯

各位，我係忙到發神經

忙乜?已經唔重要了

最緊要係，我係新年前

做好應該要做的事就好了!

各位，新年快樂，身體健康，心想事成，財源廣進...

冬至

忘記了從那一年冬至開始

我地已經唔再煮冬至飯

轉為叫盆菜

好的~~爸媽唔洗為咗煮12個餸而鬧交

我地又可以舒舒服服

今年叫太興盆菜

其實係唔錯的

嘻嘻哈哈又一餐



材料有 : 原隻澳洲8頭鮑魚(8隻)、紅燴海參、靚花枝餅、蠔皇花膠、宗谷瑤柱、頂級蠔豉、干煎大蝦、5星級燒肉、明爐燒鵝、桶子油雞、紅炆花菇、南乳豬手、野生雲耳、五香芋頭、紅燒鮑菇、清甜蘿蔔、秘製豬皮。


冬至當然要食湯圓啦

熱完盆菜的電磁爐

煲埋湯圓

我地玩緊打邊爐湯圓

事實上係，廚房已經無位

以為輕輕鬆鬆食盆菜攪掂?

哈~~~兩老一定要攞苦黎辛

食完湯圓，仲有生日蛋糕

當然因為有人生日喇

夠未?飽未?

有人1號 : 生果未食呀

有人2號 : 紅酒白酒都未飲晒

有人1號 : 飲多碗湯好唔好?

有人2號 : 我買咗好多菜呀，食唔晒帶走啦

有人1號 : 仲有燒肉，乳豬，白切雞......

有人3號 : 爹地媽咪，請你們比我停一停好唔好?