昆明第一天 - 竹里館

8-4-11 星期五

大人們黎接我地機之後

直入酒店放低行李

抖都無得抖

就話要去食飯

酒店附近有間餐館

細佬介紹

環境昏暗得可以偷情

呢~~~紅色衫面向鏡頭的是我弟弟

黑衫背住鏡頭的是我細舅舅

香港人叫表弟

我地無分表乜表物的

佢叫我姐姐

我叫佢名

晚上八時

還有少少陽光

我jetlag情況好嚴重

我地坐係樹底下

不斷有樹葉落下

我無帶相機

差啲電話都無帶出酒店

呢碗係海帶湯

鹹到飛起

飲一啖之後

我係嘔出黎

飲晒成碗

肯定個腎有事

海蜇

碎上，我真係頂佢吖

麻辣牛肉片

呢個ok，夠麻夠辣

黎到雲南呢啲地方

搵一樣食物唔辣都幾難

苦瓜炒百合

我叫比爹地食

我唔食苦瓜

糯米排骨飯

呢個好好食

糯米飯吸收晒排骨嘅肉汁

排骨又吸收糯米的香

軟軟棉棉的

炒粟米粒粒

羊奶球

呢到啲人好鍾意奶類飲品及制品

又好鍾意乳酪乳酸

我唔飲羊奶

更加唔食羊

我至愛的蝦

全場最貴

二百大元

蝦係新鮮蝦

唔係雪藏貨

肉質彈牙鮮甜無比

個酸甜汁至係一絕

味道剛好濃度剛好顏色剛好

沒有一分要加亦沒有一分要減

配以墊底的炸米粉

呢餐，我已經覺得好滿足了。

連埋酒水白飯幾碗

埋單七百蚊有找

最唔值係個湯

出發喇

8-4-11 星期五

出發喇~~~

以下呢張相入面嘅

全部都係托運

9成係派街坊

hand carry每人兩件未攝在內

夠誇張喇吧?!

我地4個人

每人有20kgs

共80kgs

呢度剛剛好80kgs

多1kgs都無

磅完執完至敢出門口去機場

呢個飛機餐唔錯

可以入得口

件芒果cheese cake真係好食

估唔到呢間航空公司咁窩心

好耐無見呢款曲奇喇

呢疊人民幣唔知夠唔夠用呢???

Rice Paper

5-4-11 星期二

一個字 - 攰

求其入一間坐坐抖一抖

Rice paper

龍眼水

青檸梳打水

牛油雞翼

其實食物同飲品無乜特別
但絕對唔差
我想講呢度嘅服務
佢係我近月以黎
最好服務的一間
枱面只有叉及匙
我用匙切雞翼啲肉出黎食
侍應哥哥見到我咁
立即攞把餐刀放係我張枱

再報以一個微笑

佢地無白鴒眼已經令我感動

仲要有一個熱心嘅招呼

一個用心的微笑

足以令我開心一天

心裡想著

以後約朋友黎呢度食飯都好喎

西蘭花蘑菇炒帶子 - 食譜

第6日喇~~~

究竟幾時返黎香港呢??????????

今日唔打斧頭

清理雪櫃剩餘物資

雪櫃仲有一盒帶子

灶底仲有大量罐頭

留返打風至食啦

見到有一細罐蘑菇

材料攪掂

材料 : 西蘭花兩個，帶子數粒，細蘑菇一罐

做法 :

1) 西蘭花切開之後用鹽水浸，浸半小時之後再用清水浸15分鐘，之後用油鹽汆水

2) 帶子解凍之後，如果太大粒，打橫切開一半，用鹽，胡椒粉略醃，之後汆一汆水

3) 帶子晾乾水之後略煎一煎兩面，盛起備用

4) 炒西蘭花，下蘑菇，帶子，加雞粉，糖 兜勻，炒至熟，上碟，即成。

炒芽菜

第5日喇

我都唔問你地喇

費時你地覺得我煩喇

上兩篇講打斧頭

一不離二，二不離三架啦

一斤銀芽摘完炒完出黎得返半碟都無

我有諗過轉一個細啲嘅碟

感覺咪多啲囉

如果我真係咁做就真係白痴喇

除非我唔食

我諗勉強夠佢食嘅

煲湯時

留起細半個紅蘿蔔

又買咗一束韮菜花

其實材料係咩唔重要

最重要係食嗰個人鍾意食咩

咁就得喇

銀芽依家買$8一斤呀

點買兩斤呀?

我真係比唔落手囉

我寧願將$8買其他材料配搭好過喇

炒粟米粒

第4日喇，你地仲記唔記得我係邊個呀?

我相信我到了第4日已經想走了

上篇講開打斧頭

呢篇都唔輸蝕架

呢個唔單止懶人好幫手

仲係打斧頭嘅好煮意呀

只要用牛油炒一炒，再加啲蔥白

上碟前蓋鑊蓋焗30-45秒

包你呢碟立即升呢呀

你地睇下我斧頭打到蔥白都唔見多一粒呀)))

實情係我無去街市買菜

所以無蔥攞

好彩屋企有3條蔥白咋~~~

蔥炒滑蛋

第三日喇

你地係咪依然掛住我架 ?

餅餅唔鍾意食煎蛋

做老婆嘅諗辦法要佢食蛋

基本上，餅餅係唔鍾意食蛋

但有時打斧頭打得太厲害時

蛋係最幫到我的

餅餅鍾意食炒滑蛋

我曾經試過買一板雞蛋作苦練

你地知唔知一板雞蛋幾多隻呀?

係30隻呀~~~

一板雞蛋

我用咗4隻就成功咗

早知咁鬼易

我唔洗買一板雞蛋啦~~~

材料 : 蛋4隻，蔥花適量

調味料 : 雞粉，胡椒粉

做法 :

1) 打蛋，加胡椒粉，雞粉之後發蛋，加蔥花

2) 熱鑊，鑊熱之後落油，油熱後熄火

3) 立即倒入蛋槳，快手炒幾下，即可上碟。