南乳香芋拼豉油雞肶雞

我已經離開香港第二日喇

你地點呀?

有無掛住我呀?

呢個我唔諗住打食譜喇

因為我掛住玩

唔記得廚房開梗火煮南乳芋頭

到我記得時

個煲芋頭已經變成槳糊咁杰

好彩我無放啲雞肶落去

如果唔係就嘥晒喇

咁都要諗方法補鑊架

唔通成盆芋蓉唔要咩

即刻整豉油雞肶

咁芋蓉點呀?

我其實仲未知點算

咁啱電視做梗壽司廣告

靈機一觸就變成咁喇

哈哈哈~~~

節瓜冬菇乾瑤柱無花果西施骨雞湯

雖然我就快要離開香港

但我唔會唔記得你地架

更加唔會掉低個BLOG啦

我會出定晒blog

希望，希望你地都掛住我啦

我知，我知碗湯好油

因為我唔記得去雞皮囉

其實唔落雞都得架

識煲喇呵?

材料標題已經寫晒喇

bye bye 飛機起飛喇

富威海鮮飯店

31-3-11 星期四

富威最出名嘅蛋撻

今晚仲見有幾個剩咗係到

叫兩個食下先

其實，我同餅餅都唔太鍾意食酥皮蛋撻

因為一定會食到成枱都係酥皮

呢到嘅酥皮蛋撻

唔油，好香

每咬一口，蛋香好澎湃咁湧上你的味蕾

個一刻俾攻陷了~~~

豆豉鯪魚炒A菜

而家啲豆豉鯪魚貴到飛起

我屋企都無買好耐喇

忽然之間有啲掛住佢

所以至叫黎食咋

茄汁煎蝦

真係各人口味不同

我地覺得好食就得啦

連殼都可以食埋

正到無朋友喇

西芹炒豬頸肉

好惹味囉

仲有兩碗飯加罐汽水

埋單$200唔洗

***************************************************************

日日都要執行李

忽然之間要帶埋冬天衫過去

因為爹地媽咪話朝早同夜晚

氣溫只有9度

中午氣溫高達26度

所以，我決定

春夏秋冬衫帶晒過去

之後全部唔帶返黎

我今鋪犧牲大喇

聽日飛喇

仲未買齊嘢

仲未執齊嘢

Piknik

今日係清明節

今日活動仲慘過要去拜山

就係執行李

pack箱工作我至憎

同志們要奶粉要衫要錶要乜要物

我地呢家人

人地要咩我地就買咩

爹地媽咪先做先行部隊

昨日已經出發

待爹地媽咪去到時發號司令

兩個女以及伴侶

準備充足彈藥

面臨破產邊緣

希望爹地媽咪手下留情

唔好要兩個女買咁多嘢過去

因為4個人

托運唔可超過80kgs

即係每人20kgs

人地未出發先興奮

我地未出發先超重

我地作最壞打算.......

一件私人物品都唔帶去

去到買胸圍底褲T恤外套牛仔褲化妝品落妝洗面...等等等

其實，昆明係一線城市

真係應有盡有架

人地一間家樂福超級市場

可以頂十間百X，惠X喇

麥當勞肯德基必勝客...

想食咩都有

不過去到當然要食當地特式嘢啦

雲南過橋米線，耳塊，雲米膏，菇菌，金華火腿.......

美食多到數唔晒

真係食到你唔食呀

洗唔洗係香港抬麥片意大利粉闊條麵通心粉出前一丁.........過去呀???

算~~~我唔會明媽咪諗咩

再講，我唔想開開心心一個拜山探親旅行

未出發先鬧交

黑口黑面對大家唔好

做女嘅，一個字 - 忍

食啲我鍾意嘅小食開心下囉

脆脆的，每一粒包住榛子醬

Haagen-Dazs

繼流鼻血之後

牙肉腫痛

呢個時候

海天堂龜苓膏出動

再黎多杯冰凍雪糕

哼~~~雙管齊下

一定掂呀

點知臨瞓前刷牙

成口血

我好似用血黎刷牙

E起棚牙照鏡

成口粉紅色

好淒美~~~

鹽味薯條

我好似好耐無出過零食喎

我前排睇中醫

佢唔比我食呢樣唔比我食個樣

的確

皮膚係好咗

但我真係忍得好辛苦

特登唔睇個中醫

唔覆診

狂食遺禁品

結果，大前日沖沖下涼流鼻血

流足半個鐘

低頭沖涼勁唔方便

成個浴缸都係血

血流成河一啲都無誇張

即刻飲返杯清熱酷先啦

飲完杯清熱酷

當正佢係仙丹

之後想食零食

打開零食櫃

一開，跌咗呢包嘢出黎

你地話吖

個零食櫃幾滿吖

嘻嘻~~~

我無咁過份食晒5小包

我只係食咗一包

過下口癲啫

P/S : 當我沖完涼出黎之後照鏡梳頭

我塊面，白過張白紙

面無血色之餘

仲要連暗瘡印都無埋

川龍村彩龍

27-3-11 星期日

原本打算去長洲嘅我地

唔知發咩神經

忽然之間去咗川龍村

食到成枱都係嘢

最緊要食埋碗滑滑山水豆腐花

因為我地唔想去豆腐主義

埋單都係 $206，真係抵

之後去行街血拼

拼埋我條老命出黎喇

荃灣有吉之島個商場叫咩名呀?

點解個吉之島無超級市場嘅?

去滿記抖抖先

如果唔係會攰死

呢個係榴槤芭菲

好彩呢日唔算太凍

食呢個雪到硬嘅甜品一流呀

糖不甩

講咗起碼三個月，今日終於食到喇

今個星期一開始

我每日都想食心太軟

我同餅餅講足4日

我唔知今次要等幾耐至可以食到