與王子共進晚餐＠囍宴‧廚藝

１４－８－１０　星期六

無錯，隔咗唔夠兩個星期

我地再黎踩場，仲要今次有三十幾人

嘈爆囍宴私房菜　（其實最嘈係我）

餐單一樣

菜名一樣

次序一樣

味道一樣

環境一樣

．

．

．

黎呢到之前，同嘉嘉，bobo＆王子，行咗轉美食節

當然有去探jacky's啦，我地嘅目的係想問佢幾點返私房菜
之後去買酒
其實我買酒時，係預今晚食牛肉飲嘅
因為我好記得上次同王子食飯時
佢講咗一句：如果有杯清酒飲一啖再食牛肉就好喇
我記得，所以我買咗一支，送多我半枝比人客試飲嘅比我
王子買兩枝，又送兩枝比人客試飲各半樽酒比佢
一枝清酒＄５０，因為日本館係最後一日，平啲清晒貨
以後最後一日嘅下午去，好多平嘢執

黑松露香煎帶子皇
大大隻帶子，香甜鮮軟正

芥末胡麻醬伴日本溫室蕃茄
留汁，一定要留返啲汁

芥末燈影牛肉
先飲一啖清酒，再食一塊牛肉
果然與眾不同

鮑汁香酥糯米鴨
留返個芥末胡麻醬蘸呢個食
鴨嘅香出返黎，糯米嘅軟仍在

雲上皮坡醉千層
即係東坡肉配以香甜梅菜
塊豬肉片得薄一薄，咬兩口已經溶咗

配翡翠炒飯

金牌口水雞
人人都可以食辣，辣油唔洗另上

中間隻大辣椒唔好浪費
切開大家分黎食
當我地圍枱食梗係甜嘅時候
隔離個圍枱辣到嗌晒救命搵冰水降火
嘈到呢．．．

呢個唔同咗，今次係鹹柑桔雪葩蘆薈
鹹柑桔有鹹柑桔好味
紅棗有紅棗好味

香茅蝦膏炸鮮班
我唔食魚，自己坐係到望住佢地食
jacky's啱啱出黎問我係咪食飽喇
我都唔食魚
佢恍然大悟個樣好好笑
個日又黎語病，引黎成枱大笑

養生白玉金菊露
唔知點解今次飲到其他味道

翡翠露筍卷
清清淡淡中和之前嘅油膩感

自家制私房雪糕
有豆腐味和黑糖味選擇
我同王子食過黑糖味了
今次試豆腐味
豆腐味好出，又香又滑，比起我以前食嘅所有豆腐更我我歡心
我想買一盒返屋企食呀

最後奉上囍宴雞尾酒

魚魚上次無影到

仲乜望住我呀？

今次無食５個鐘，食咗３個幾４個鐘啫

合掌瓜雪耳湯

忽然之間好想食雪耳

但唔想食紅蘿蔔

見到合掌瓜，就佢啦

材料 : 合掌瓜三個，大雪耳兩個，豬骨半斤，蜜棗３粒，南北杏隨意

做法　：

１）　合掌瓜去皮切件

２）　豬骨洗乾淨出水
３）　蜜棗＆南北杏浸１０－１５分鐘
４）　雪耳浸軟後，剪小朵
５）　各樣食材準備好，凍水落煲，煲佢個幾兩個鐘
６）　熄火，下鹽，試味，即成

啖湯，好似係沙漠飲梗水咁甜呀～～～

• 烹飪,
• 飲食

住家菜

6-8-10 星期五

今年妹妹去住家菜食飯

有渣打信用咭，食滿$250，送一煲湯比你
合掌瓜雪兒湯，好重陳皮味呀~~~

鮮什果咕嚕肉
好食呀，什果有紅提子，火龍果，菠蘿...
肉，外炸得香脆，內軟，汁酸甜度適中

菜甫肉崧煎蛋角
一大塊切開4塊，中間仲有少少蛋槳，外邊香

中式牛柳
肉太軟，我好似食梗食口鬆肉粉咁囉
不過個汁幾好味嘅

XO醬爆蝦球
少少辣，好惹味，蝦係新鮮幔，唔係雪藏貨

黑糯米酒雞
好重酒味，好似夏天唔係咁啱食，不過真係好好食
對我黎講，雞，並唔係重點，重點係黑糯米酒

魷魚馬碲蒸肉餅
肉嘅質地真係...

西蘭花班片
我唔食魚，唔食西蘭花

脆香琵琶豆腐
外皮係脆，淋上獻汁後變韌
內裡有素翅

麻婆豆腐
每家每戶煮蕃茄蛋都唔同，就我家已經有兩種煮法
麻婆豆腐也一樣，但我接受唔到呢個，每人食咗兩羹，唔敢再掂呢碟餸
唔辣，配料多得過晒龍，色唔夠，味唔夠
我唔知呢碟餸想點
可能(你)會覺得好食架

壓軸有蛋糕出場
今年食柏寧酒店嘅蛋糕
(係因為某原因，所以食柏寧酒店嘅蛋糕)

好可惜，生日嗰個(妹妹)唔欣賞
因為海棉蛋糕個部份好重奶味
栗子係新鮮打出黎嘅(某人話)

 

埋單六百幾七百，真係平到無朋友呀

與王子共進晚餐@囍宴私房菜

2-8-10 星期一

為慶祝不眠王子生日

我呢個"朋友"點會無表示呢...

好快決定到去邊到食飯

話咁快仲訂埋位

坐低無耐，jacky's行出黎見到我時 : 原來係你呀?
jacky's送咗一支自家浸梅酒比我地飲

XO醬，再辣啲會仲正

黑松露香煎帶子皇
好香黑松露味道，但又無搶過帶子嘅鮮味
帶子煎得兩面香香的

我一直對帶子有個問題
但當我問每一個廚師，甚至海鮮檔店員
佢地嘅答案永遠令人出奇
問題係 : 帶子橙色嗰塊嘢係咩?
今次問jacky's，佢第二日係facebook答返我
又係一個新嘅答案

芥末胡麻醬伴日本溫室蕃茄

呢到同地鋪唔同，原個上蕃茄之後
有專人幫你分開排靚靚
我地為咗影靚個蕃茄，足足影咗十幾分鐘
專人都行咗幾次過黎

芥末燈影牛肉
味道好，好似食梗好薄好薄嘅牛肉乾囉

鮑汁香酥糯米鴨
我係地鋪食過，唔好食
但私房菜呢個好得，好軟唔硬仲好香
比我發現咗，蘸少少芥末胡麻醬仲好食
有人出黎同我地講 : 凍晒喇，仲影，快啲食啦
我明，我明一個廚師煮完出黎比客人食係要趁熱食
不過，唔影又唔得呢~~~
唔影相，點 post 上Open Rice / Facebook / Blog呢?

雲上東坡肉醉千層
呢個係迷你版，因為我地得兩個人
個塔入面有梅菜仲有啲菇菇絲
側邊嗰兩粒係冬菇&草菇
個汁送飯一絕，我唔食飯都食咗半碟

翡翠炒飯
好味道!!!讚

金牌口水雞
又有專人幫你撈勻，專人又等咗我地數十分鐘
辣到剛好，不過友人覺得稍辣

紅棗桂圓雪葩
清一清味蕾，食下一道菜
紅棗好香，近來愛上紅棗
雪葩下面係粒粒蘆薈

香茅蝦膏炸鮮斑
好香蝦膏味，側邊伴碟係柚
我唔食魚，王子一個人食晒，勁呀

養生白玉金菊露
係蘿蔔切絲排到好似菊花型狀再加上湯而成的

翡翠露筍卷

味淡，可以中和返之前食嘅濃味食物

青豆汁尤其好味

 

自家制私房雪糕 - 黑糖雪糕

呢餐飯食咗5個鐘
好滿足好開心呢
最後奉上我一早預備的生日蛋糕一個
作完滿的句號

今日出呢篇blog,晚上我又同一大班人去"囍宴私房菜"食飯喇

(蛋糕上後補，因為係王子相機處)