2-1-10 星期六
星期五那晚，天氣報告話明天會下雨
星期六，一滴雨都無
咁就同餅餅講 : 去魯班廟還神啦
去到魯班廟，頓時晴天霹靂
係我地嘅心情，唔係天氣
點解 ? 看以下的相片吧
就係咁，我地決定去赤柱
搭970，40分鐘就到
得一架車出九龍，就係973
想食好耐嘅pizza express
其實尖沙咀都有架
不過唔知點解，尖沙咀嗰間對我黎講好邪架
次次訂枱之後，梗有啲事去唔到
又或者忽然之間唔想去
無限添飲有檸檬茶 $ 35
蒜蓉包 $ 39
包好軟，不過無蒜蓉味，又少少海鹽味
芝士火腿焗大磨菇 $ 79
有手掌咁大嘅磨菇，真係好大個
火腿偏鹹，芝士夠香滑
大磨菇有朕草味，菇味十分強烈
如果唔係咁受得菇味人士，就最好唔好叫喇
我本身好鍾意食菇類產品
但呢個大磨菇朕味唔係幾受得
不過我都食咗一半呀
北京填鴨pizza $ 128
餅底做得夠薄
北京填鴨唔會乾晒，肉嘅質地仲好juice
仲有京蔥絲夾住pizza黎食，好似真係食梗北京填鴨一樣
醬汁甜甜辣辣的好惹味
烤雞凱撒沙律 + parma ham $ 63
另加parma ham係要加$15
我唔知佢最後有無收我呢
因為張單無寫另加$15
3粒圓圓係軟綿綿嘅麵包，都好食架
不過沙律，我食到一大粒鹽
鹹到飛起呀，不過可能佢撈唔勻啫
個一口之後，再無一大粒鹽喇，好彩好彩
parma ham好食，好香呀
蕃茄長通粉 $ 98
其實我唔係咁鍾意食長通粉
不過餅餅話要食就叫啦
通粉夠彈牙，唔會太硬又或太腍
味道剛剛好，唔會太濃
配上無味的長通粉，yummy
埋單$486.2，服務幾好
有時，有個人問你食物好唔好，服務好唔好，又介紹個廚師比你識
感覺好nice呀
有時，會同你講英文
有時，會同你講廣東話
**************************************************************
食飽行去赤柱廣場
有個伯伯係到玩放降落傘
佢揸住支丫叉，彈咗個降落傘上天
降落傘就會隨隨下降
我近距離望過
原來係膠袋嘅質料
去拜下天后娘娘
天后娘娘廟裝修梗
原來大家都趕新年前執靚個廟
上咗幾柱清香，拜一拜就走喇
再行下市集，一樣嘢都買唔到
去另一邊睇下
見到好多人出咗石灘玩
今日陰天，無雨，唔太凍，幾好
一場黎到赤柱，我要去jenny bakery
我想買鳳梨酥呀
一去到門口，無乜人，諗住一定有得買啦
點知............
一問之下，每年12月開始至出年4月
主力係做曲奇餅，鳳梨酥唔做喇
想買的話，今年復活節之後啦
就係咁，懷著不忿的心情離開赤柱
****************************************************************
知唔知搭973，由赤柱去尖沙咀要幾耐時間吖
答案係 : 一個鐘頭十五分鐘
仲要係無塞車，交通暢通
真係坐到pat pat痛呀
******************************************************************
新開嘅 i square 地方唔算大
不過有log-on夠我玩喇
佢可以同 K-11互補不足啦
我地行完 i square
再行過去 K-11 嘅market place買糧食
咁，就一日喇
