避風塘

29-10-09 星期四

因為我有150優惠卷

又唔想再食嗰個二人套餐

咁啱賴仔病假

一家大細

出去擦一餐勁啦

我地無食大閘蟹

因為我同賴仔都病咗

所以留返下次先食

飲清酒嘅杯好靚

我好鍾意粉紅色嗰隻

有好多清酒比你揀
不過呢啲係吉樽

大咸濕，即係咸檸七                                    可樂

我地叫咗個4人套餐再加啲餸啦
油鹽水大蜆
勁胡椒味，辣到喉嚨直達胃部
不過我覺得好啱我地病梗嘅人
大蜆一粒沙都無
值得一讚

避風塘荔芋茄子
6件都無，唔夠分呀
好好好食架
腍腍的茄子，配合脆脆嘅炸蒜
愛茄子人士必食

粉絲節瓜金勾煲
金勾係蝦乾，不過蝦乾無乜味

避風塘炒蟹 (套餐)
好食好食
一個月食一次

芥蘭炒牛肉
好食架，而且佢又炒得幾靚

蒜蓉蒸蟶子
爹地唔食，媽咪又唔食
一路食媽咪就話 : 原來你地咁鍾意食蟶子架，我整比你地食嘛
其實...媽咪呀...你兩個女仲有好多嘢鍾意架
例如 : 凱旋門，E240...等等等

豉汁蒸倉魚
好滑，唔腥，啱我食
不過我都係鍾意食煎倉魚點沙律醬

蛋白炒飯 (套餐)
每人都可以分到碗半呢

沙煲雞
雞肉好嚡，唔好食

艇醬炒A菜
幾好食啦

上菜單

叫咗三碟蜂蜜蛋散
我自己一個人都食咗一碟喇

食到尾聲，大家無端端興起話要去台灣
約下約下，變咗12月頭
噢!!!12月，我好忙呀
12月第一個星期去旅行
第二個星期好友結婚
第三個星期做冬
第四個星期聖誕
第五個星期去工展會
嘩!!!!我個人生好豐富呀
呢餐大家食得好開心
埋單一千一百幾
例牌媽咪請
今次有七張50蚊優惠卷

下個月再黎過

Euro go go

26-10-09 星期一

我曾經不下一次講過

我好鍾意食pizza

但我勁唔鍾意食pizza hut

唔知點解，每次食完pizza hut

我塊面都會痺痺地

佢地落得太多味精喇

其實仲有好多地方有得食pizza

唔洗屈就一間啫

好似CPK，Pizza Express.......都好好食呀

仲好食過pizza hut啦

近近地，今日食EURO GOGO

今日行到好攰

所以外賣返屋企慢慢食

半份PIZZA，只係三十幾蚊咋咋咋

蜜糖雞翼
食完包你上癮
雞翼啲肉係滑架，少少燶燶地嘅外皮好香
配以甜甜的蜜糖
你可以唔洗講嘢
食得架喇

田螺焗薯蓉

必食，又係會上癮

上面層芝士，你真係唔好同我掙呀

蒜蓉包
每人兩件嫌唔夠囉

呢餐$110
抵唔抵呀?!?
(還有，意大利麵條也很好食
不過那天我們很累
不想食那麼多喇)

唔知自己發生咩事

無端端用普通話

所以括號內用普通話啦

宿霧手信

28-10-09 星期三

妹妹同賴仔昨日返黎香港喇

不經不覺咁就6日喇

時間過得真係好快呢

因為星期二我太攰

所以無返屋企見佢地

星期三先返啦

爸爸仲專登整炸蝦餅比我食呢

手信真係好多

林家二小姐出晒名大洗

食要好，住要好，玩要豪，著要靚，用要名牌

無錯，屋企寵壞嘅

今次宿霧之旅

發夢都估唔到

佢用咗8千蚊咋......

迷你結他一支
有幾迷你呀?

呢個樂器彈出黎似枇杷

彈結他點可以無pick呢

迷你結他對比正常結他
左圖仲有一支超迷你結他
其實係鎖匙扣

迷你鎖匙扣
即刻覺得原來我係妹妹心中係一個音樂人

仲有手帶
starfish 鎖匙扣

呢個係用藤織嘅散紙包

有各式各樣嘅調味料，罐頭

青椒黑胡椒味品客薯片
唔好味，好怪

芋頭包

深紫色嘅係芋頭醬
芋頭醬好甜，個包幾好食

芒果乾
一包總有幾條係酸的

呢個真係精彩喇
雪糕都要托返黎香港
我絕對有理由懷疑，行李未超重
芒果雪糕
好大盒，大盒到我唔知佢地係咪可以當飯食

其實...我影唔到個神髓
係大盒個神髓

芋頭雪糕

Size比較正常

我影唔到隻色
個紫色，係接近上圖隻紫
人做色素好勁
食咗一球
成條矃變咗紫色

因為太大盒關係

而佢地無可能當飯食

唯有，切開1/3比我帶返屋企

我咁大個女，第一次食雪糕食到怕

第一次食雪糕扒，仲要係厚切

救晒命

MADO Ice Cream

26-10-09 星期日

係未去B&Q之前

我地都遊咗好耐

一個大眾書局

都遊咗大半個鐘喇

遊下遊下

無端端有人叫我試食芒果雪糕

又香又滑喎

餅餅至愛

而我，比佢個心型碟吸引住

MADO

比錢嗰刻

我抱住我嘅宗旨做人

問嘅就有機會，唔問嘅話

1%機會都無

我同個收銀員講 : 我想買你地個心型碟

收銀員姐姐 : 我地唔賣架

我 : 咁你知唔知邊到買架?

收銀員姐姐 : 我地唔知呀

其實收銀員姐姐好好禮貌，又好客氣

攪到我唔係咁好意思

求其點一個有心型碟嘅雪糕
安撫下自己啦

芒果雪糕，買一送一
送嗰個要綠茶味
綠茶味我接受到呀

我揀咗開心果味

個朱古力杯好精緻呀

食食下至知原來係用羊奶做

OMG~~~