南丫島＠血拼

咩開始呀？瘋狂購物嘅開始

戰利品等到返屋企至影相

繼續欣賞迷人嘅景色

有好多單車放係兩旁

餅餅話：有好多戲係呢到拍架

行到黎士多，見個士多都咁有heart，幫佢影返張相先

船剛好到，我地到閘口時，剛好入閘
唔洗睇時間嘅我地，真係好好彩搭到５：３０船
仲要係軟皮椅呢．．．
下個月再去，不過唔食海鮮喇...
我唔想再比一倍價錢食海鮮
戰利品
食飽海鮮之後，因為太曬，所以餅餅買咗頂帽

雙面架，唔記得$20還是$30

我原本都想買頂粉紅色帽，但我有太陽眼鏡，所以最後都無買了
見到有一對紫色髮夾，諗都無諗有無用，反正$10之嘛
呢到啲嘢咪係買雪條間嘢買囉。

染咗色嘅貝殼，用像筋繩穿成手鐲
係榕樹灣等燒魷魚時買的，售三十大洋

最後，因為快要離開南丫島了，所以拼命出血
係拜完榕樹灣天后娘娘之後

係一間買香薰嘅店舖入面，行咗半個鐘

磺晶香石，$10一隻

我諗住放衣櫃入面，不過佢無吸濕功效，但我都會放

其實佢有好多顏色嘅唔同香味

好彩...我最愛嘅紫色香味我係接受到

餅餅至愛藍色，香味都可以接受
都係放衣櫃

係中國字入面，我最喜歡嘅字係"囍"字
當"囍"字遇上我最喜歡嘅紫色時
我雙眼發光，好開心，攞上手唔捨得放呀
不過佢無香味，我錯了，我應該買多幾個嘛
所以下個月，再去
下個月唔去，下下個月一定再去

紅色嘅"囍"字我見得多
我亦係G.O.D.見過有得售賣
索價超過一百，當然唔同尺碼就唔同價錢
但呢個"囍"字，只售$30元

點解可以係一間細細間香薰店行半個鐘?
就係我要買香薰，聞到我同餅餅無晒嗅覺

最後，餅餅搵到佢鍾意嘅藍色嘅海洋味，$68

紫色嘅香味唔啱我，所以我買茉莉花味，$68

係咪好平呢?我覺得好平呀

我而家間屋好香好香呀

點解一定要再去南丫島呢?

因為香薰只可以維持兩個月

因為我好想再買貝殼產品

因為我好想再食SHEELY CAKE

因為我好想再食THAI THAI FOOD嘅沙爹

因為我好想再食亞婆豆腐花

因為我好想去風采發電

南丫島＠建興亞婆豆腐花

由索罟灣行到榕樹灣大概一個多小時

望住個沙灘，見到有好多人曬太陽，游水

自己都好想游埋一份呀

再一直向前行，見到喇見到喇

見到人頭湧湧嘅亞婆豆腐花喇

賣完一桶又一桶，一桶一桶咁賣

亞婆豆腐花唔滑，反而有少少似糊仔咁嘅質地
雖然豆腐花唔滑，但佢有好香好濃嘅豆味
仲有激讚個糖漿，鹹鹹的，甜甜的，辣辣的，好得呀
如果唔洗再排隊的話，我會再食多一碗
不過我都想試下豆漿

豆味濃郁，陣陣甜味湧上，讚呀～～～

一直再向前行向前行

餅餅見到有佢至愛燒魷魚

我就見到我至愛嘅精品店

係等燒魷魚其間，餅餅就陪我去精品店喇．．．．．．

南丫島@行山記

係"天虹"食飽飽之後

一直行，見到有好多間海鮮酒家

有啲因為無生意，所以索性關燈，關風扇

回望"天虹"，已經人頭湧湧了

位置佔優，真的很著數呢~~~

見到一間買貝殼飾物的，給它吸了進去了

比完錢後，發現門口有買雪條

揀咗餅餅至愛芒果味，同我至愛西瓜味

芒果加咗cream，芒果味唔突出，有啲一絲絲嘅芒果肉
西瓜好甜，仲有啲西瓜核，什果，好好食呀
不過我地係一個無遮無掩嘅地方食雪條
雪條溶嘅速度比我想像之中要快
食到最後一啖時，趕不及了趕不及了
掉在地上喇
之後拜"天后娘娘"，就開始了我們行山之旅了

沿途有幾個分叉位，其中一段路我地行錯咗
好彩個條寃枉路唔係太長，唔洗十分鐘可以兜返出黎

上梗山時，見到一店舖，有個婆婆坐陣買飲品
我就問餅餅：買唔買嘢飲呀
佢好串答返我：唔洗啦
行多十幾二十步，又見到一個伯伯坐陣買飲品
佢主動同我講：都係買嘢飲喇
我話：頭先有膠樽你唔買，而家買罐裝（寶磺力）
其實我真係好憎佢呢種性格
點解要咁閃閃縮縮啫？
想要咪要，想買咪買囉
十萬個不明白，不過個日心情好，無話佢

又見到地圖，所以又要影

一直嚷著要去風采發電嘅我
一見到咁遠，恨恨的拋下一句：唔去喇

一個多小時行山之旅好快就結束喇

行到去沙灘，我知道不遠處有豆腐花食喇．．．．．．

南丫島@天虹海鮮酒家

兩公婆無啦啦話要去離島

原本諗住去長州

跟住又唔知點解話要去砰州

之後又唔知點解話要去南丫島

係呀...我地真係癲癲地架

行程改完未?改完喇

決定咗去南丫島喇

點解最後決定去南丫島呢?

因為有人要食椒鹽瀨尿蝦

所以決定去南丫島

餅餅逢星期日無11:00都唔肯起身

所以當我10:00起身時

見到餅餅已經係書房

真的有點驚訝

即刻梳洗，10:30都未夠就出門口喇

上車前，首要任務係攞夠足夠嘅彈藥先

自己知自己事喇

你地唔知?睇下呢到啦

之後就搭小巴78K去尖沙咀天星碼頭

一去到就有船去中環喇
再之後由中環碼頭行去4號碼頭
4號碼頭係南丫島線，一邊係去榕樹灣，另一邊係去索罟灣
我地11:10去到，諗住搭11:20船啦
點知原來去榕樹灣時間，同索罟灣時間唔同喎
去索罟灣時間係11:50
噢~~~仲有差不多一個小時，做咩好呢?
唯有食少少嘢先啦
有個小賣部，只有HOTDOG，牛肉，燒賣呢啲小食
我地又唔夠時間行去IFC喇
咁咪食呢啲囉
HOTDOG因為微波爐壞咗，所以無得食
只有牛肉，燒賣，再買多包麥精
呢個就係我地嘅早餐喇

30分鐘船程就到索罟灣喇
一落船，第一時間去睇地圖
再影底佢，地圖係必備的
有免費地圖，唔洗嘥錢買

基本上，一落船就見到"天虹"，唔洗周圍搵，好方便

好多生蜢海鮮，睇到我眼都花埋
好彩有位唔知係經理還是老闆嘅男人幫下我
揀咗海鮮之後，問佢點整，佢會話比你知，幾好耐性

有人係為咗你而黎架 - 瀨尿蝦

都唔知寫乜
天真的我，見到左上角寫住236，以為係價錢
心其實都有諗過邊會咁平吖
其實236係枱號囉

海中蝦，鮮甜到爆炸

豉椒炒花甲，好多肉，好鮮甜，無沙，無殼碎

椒鹽瀨尿蝦，好多肉，好鮮甜，殼又容易搣，不過唔椒唔鹽囉

清炒白菜仔，菜係新鮮嘅，新鮮嘅菜落咁多蒜蓉仲咩呢?

清蒸奄仔蟹，都係鮮甜啦，不過無乜肉食

埋單比個遊客價比你 $ 644

之後就去行山之旅喇。

大快活

諗都無諗過會去大快活食晚餐嘅我

因為聽到餅餅講咗一句：

今日我睇報紙，大快活有香芒點子飲，我好想試下

好，反正唔係咁肚餓，就同你去食

其實我地唔知邊到有大快活

真係個天都要你食嘅時候，避都避唔到

當時，餅餅陪我去抄錶

之後，行咗去旺角新世紀廣場搵飯食

一眼就見到大快活嘅logo

我可以點?唯有硬著頭皮去食啦

講真，我真係好彩唔肚餓咋

如果唔係發脾四都有份

西班牙燒雞意粉
啲汁好酸，不過我都ok，意粉好硬，半隻迷你雞都幾嫩嘅，不過無乜肉食咁囉

青檸梳打
兩片青檸加半杯梳打，再加半杯冰，我唔會覺得好飲囉

黑椒牛柳粒鑊仔飯
牛柳幾好味吖，不過無牛味囉，合埋眼放入口的話，一定唔會知係牛柳

香芒點子
我地就係為咗"你"而黎，罐頭什果加少少罐頭芒果，再加啲勁假芒果汁
餅餅唔鍾意飲，我就更加唔洗講啦

$ 75 抵唔抵真係見仁見智
不過我一定唔會再有下次
食嘢唔係要睇價錢
亦唔係講排場，講服務
而係食物要新鮮，要好食
咁至可以對得住自己
連基本要求都無嘅話
純粹為咗填飽個肚嘅
$ 75可以去掃街，我諗仲好食
呢餐我覺得好貴嘅同時
我當跌咗會無咁嬲。
為咗平息我嘅憤怒

我去咗NIKE買咗對紫色波鞋

風月堂

我要同餅餅慶祝，所以等到餅餅返屋企又等佢沖埋涼時

已經係八點半喇，屋企樓下大閘都閂咗喇

奧海城無乜西餐食，所以又係風月堂

我地等咗足足15分鐘，飲品又未到，食物又未到

終於係第17分鐘，香噴噴又熱辣辣嘅蒜茸包到咗喇

每人三件，好快清晒，剛剛好黎第二樣食物

焗薯茸帶子蝦，呢個我去親都叫，可以一次過滿足晒我三個願望，好好食呢
前面三隻蝦墊底，後面三隻帶子墊底，上面係香噴噴嘅薯蓉，入口柔軟，正

凱撒沙律配帶子，呢個唔叫對唔住自己呀

日式炒拉麵，餅餅真係好鍾意食炒面，總之係炒都佢都鍾意食，反而湯都就麻麻地喇
呢個幾好味，唔會過濃味，雖然一樣係咁多油

大蝦天使麵，又係每一次都會叫的

餅餅因為肚痛嘅關係，所以要飲熱飲
熱蜜糖薑茶

士多啤梨特飲，原來只係士多啤梨汁沙冰，無驚喜

埋單$390.5
因為我唔滿意佢地嘅服務
我地又唔係坐係死角位
我地舉手都無人理我地
正確點黎講係唔夠人手

經常見唔到侍應生

雖則，侍應生都有笑容，轉數又快

但你地經常唔知去咗邊又有咩用呢?