廖同合

去買檀香香塔，經過廖同合，無理由唔坐低食豆腐花架嘛

影唔到個名，坐低補返張先

勁滑豆腐花，冰凍；涼快；嫩滑，不過係到食要忍受一下啲臭味
隔離鋪係豬肉檔，嘩!!!臭到呢，好彩樓底高，空氣流通

一大罌黃糖，你鍾意落幾多都得

地址係到見唔見到?

標記

星期四無回娘家食飯

因為佢地屋企裝冷氣機

妹妹又勁唔開心啦(妹妹唔開心嘅原因唔關冷氣機事)

裝完冷氣機之後，媽咪就去咗瞓覺喇

咁爹地又休息緊

一早約咗佢地去九龍城食飯

好可惜，爹地太攰唔出喇

妹妹唔開心唔出喇

媽咪倒沒所謂，不過聽佢把聲都係未瞓醒

那各自各食好了

因為好想食臭豆腐
所以出咗家樂商場嗰邊
出到去，就唔想食臭豆腐了
咁不如去女人街嗰邊有咩食啦

無樣啱食，餅餅就提議去"打冷"喇

標記

大啤一支，剛剛好夠我地兩個人飲

好耐都無見過呢隻用膠桶裝茶喇，忽然之間好想去大排檔食飯

首選"妹記"啦

豉椒炒大蜆

熱辣辣香噴噴上枱，差不多隻隻都有肉，又無沙，勁正

椒鹽大鮮魷

粉槳夠薄，炸得夠脆又唔油，點喼汁一流呀
為咗佢至叫大啤咋
其實我係唔食魷魚，不過椒鹽例外

蜆仔肉炒韮菜花

我地主要目的係食菜，有啲老，不過可以接受，因為鑊氣夠，真係炒得好好食
蜆仔肉都係無沙嘅，好呀~~~

薑蔥海蝦

餅餅好鍾意食薑，挾起第一舊薑，放落口之後，辣到佢眼淚鼻水一齊流，味道剛剛好，只不過係舊薑嘅問題
蝦唔新鮮，皮薄而痴住蝦肉，但又唔係霉喎
噢!!!我詞窮，唔識形容

有靚仔

兩個人清晒，剛剛好夠飽啦

噫!!!我地好似無"打冷"喎???潮州菜呢???
噫!!!原來呢餐係食海鮮呀???
埋單連貼士$250，抵到呢...
"無錢啦，要慳啲喇"
講完呢句唔夠3分鐘
我地去咗shopping

哈哈哈哈哈哈哈

miu miu 電紫色手袋

上個星期四回娘家食飯有禮物收

多謝晒啦

California Pizza Kitchen

要陪餅餅去九龍灣攞証件

6:30已經到咗九龍灣

係九龍灣工業區入面兜兜轉轉咁

終於搵到棟大廈

去到至知道原來人地收八點

早知唔洗行得咁急啦

行返去Mega Box搵嘢食喇

兩個人超肚餓

睇中咗C.P.K.，就你啦

二人晚餐超抵食啦

兩杯凍檸檬茶，不斷為你加滿，不過越加越淡

經典凱撒沙律
唔洗諗啦，我至愛，餅餅都鍾意食架，尢其係一片片啲芝士，佢一個人清晒，見佢咁鍾意食呢隻芝士，就記住個名，睇下邊到有得賣就買比佢食啦，點知返到屋企已經唔記得咗。

香味肉醬意大利粉，意粉比較硬身，軟返少少會梗加好啲，個醬汁比較香濃帶酸，我唔食碎肉都因為個醬汁而食，我地兩個芝士怪仲要加勁多芝士

意粉上枱時，跟埋調味料一齊上

意大利風乾辣肉腸薄餅，簡簡單單一個薄餅，只有芝士及辣肉腸，都可以食到兩個人唔停口係咁掃清，你話呢個薄餅幾得

埋單$206.8，真係好抵呀~~~
同場雖然無靚海景，不過有溜冰睇
影相時，佢地執靚個場地
預備等陣有比賽

I'm not plastic bag

星期五晚 10-7-09

食完麻辣米線，又食完糖水之後

個心情都未算平伏得晒

因為得返我同亞爸兩個人的時候

我問亞爸 : 你身體無咩事嘛

亞爸話 : 有呀 (我個心情又跌返落谷底)

個頭又痛又暈又成日個心痛，有啲中風嘅徵兆

我唔識點回應佢，我只有默不作聲

個刻我好想喊

雖然亞爸只係我前同事，而家嘅朋友

但個種感覺係一個識咗好耐好耐嘅人

突然之間，有病又唔可以去睇醫生

(因為加咗保，所以要過咗過度期先)

我唔想我身邊的親朋戚友離開我

我知道人係唔可以避開生離死別

但...我可以做咩呢?

返到屋企見到餅餅

個心安樂咗啲，定咗啲

係呀，有一個伴侶係身邊陪伴自己嘛
餅餅仲好細心幫我錄影電視節目
一直睇錄影帶，暫時拋開一切唔開心
到十二點幾，我就上床瞓覺
但餅餅仍然睇佢嘅電視
一掀開張被，就見到以下物品

即刻大嗌呀
個袋我恨咗好耐
曾經一時有錢都買唔到呀
即刻幫佢影相啦
不過餅餅話我知
呢個係日本版
日本版係綠色字架
不過算啦，我又無咩特別要求要香港版
香港版$120，而家炒到過千
日本版$72，而家炒到$400

那一晚，我真的好開心

帶著大大的微笑睡覺

白果胡椒豬肚湯

材料 : 豬肚一個 ; 排骨半斤 ; 白果 ; 腐竹一包，白胡椒

做法 :

1) 白果去殼後，用熱水浸一浸就可以好快去依

2) 腐竹洗後浸軟，切段後，飛水

3) 豬肚內用粗鹽洗刷，放滾水出水，再撈起洗乾淨後切大舊

4) 排骨出水

5) 將豬肚、排骨放入大鍋凍水，開大火齊煲

6) 半小時後收中細火，下白果，腐竹，煲兩小時後

7) 下白胡椒粉 ，(自己試味，我下了2-3湯匙)再煲半小時，熄火，即成。

愛心糖水

係好耐好耐之前(其實只有個多月前)

"我們這一家" 食完傷心酸辣粉之後

就去咗附近食糖水

而呢5個人，不約而同地叫了

"腐竹薏米糖水"

亞爸 : 邊到有靚腐竹買?

亞女 : 你去邊到邊到買吖，煲出黎溶晒好正架
亞妹 : 你地個個都識煲嘅?
亞哥 : 好簡單之嘛
亞女 : 水加冰糖再加腐竹咪得囉

亞妹 : 哦!!!

亞女 : 亞爸，你幾時煲比我飲呀?
亞爸 : 買到之後得閒我至煲啦
亞女 : 你話煲羅宋湯比我飲都好耐喇
亞爸 : 自從太興出咗羅宋湯之後，唔洗自己煲喇，又好味，又足料
亞女 : 成日都呃我 (發脾氣中)

......................................................................

係尋晚做緊烈火雄心3嘅時候

亞爸打電話比亞女

亞爸 : 你係唔係屋企呀?

亞女 : 係呀

亞爸 : 咁你等陣落一落樓吖，我煲咗腐竹糖水呀

亞女 : 真架?

亞爸 : 係呀，我攪掂打比你吖

亞女 : 好呀

收線之後，我個心好甜，未食都好甜

一直笑咪咪，真係好開心呀

數十分鐘後，亞爸打電話黎
亞爸 : 你而家落黎吖
亞女 : 好呀
落到樓下，已經見到亞爸
仲要行咁遠攞比我，真係感動

雖然同一個屋苑，但由佢個座行去我個座都好遠架

多謝亞爸 louie